رانچی (جھارکھنڈ)، 11 دسمبر (ہ س)۔ کانگریس کے راجیہ سبھا ممبر پارلیمنٹ دھیرج ساہو کی جائیدادوں پر پیر کو چھٹے دن بھی محکمہ انکم ٹیکس کے چھاپے جاری ہیں۔ رانچی میں ساہو کے گھر پر ابھی بھی نوٹوں کی گنتی جاری ہے۔ اس کے علاوہ دیگر تمام مقامات پر گنتی تقریباً مکمل ہو چکی ہے۔ رانچی کے گھر میں ابھی بھی نوٹوں کی گنتی جاری ہے۔
6 دسمبر کو محکمہ انکم ٹیکس نے دھیرج ساہو سے متعلق کئی مقامات پر چھاپے مارے اور رقم سے بھرے 30 المیرہ برآمد کئے۔ اس دن سے نوٹوں کی گنتی جاری ہے۔ جانکاری کے مطابق اب تک کی گنتی میں یہ تعداد 500 کروڑ کو پار کر چکی ہے۔ تاہم، محکمہ انکم ٹیکس کی طرف سے ابھی تک اس کی سرکاری طور پر تصدیق نہیں کی گئی ہے۔
اوڈیشہ ایس بی آئی کے ریجنل منیجر بھگت بہیرا کے مطابق، انہیں پیسوں سے بھرے 176 بیگ ملے ہیں، جن میں سے 140 تھیلوں میں رکھے گئے نوٹوں کو گن لیا گیا ہے۔ باقی 36 تھیلوں کی گنتی جاری ہے۔ گنتی کے عمل میں تین بینکوں کے اہلکار شامل ہیں۔ بتایا گیا ہے کہ ایس بی آئی کے 50 اہلکار بھی گنتی میں مصروف ہیں۔ نوٹ گننے کی 40 مشینیں لائی گئی ہیں۔ ان میں سے 25 استعمال میں ہیں اور 15 بیک اپ کے طور پر رکھے گئے ہیں۔
ہندوستھان سماچار
