لداخ خود مختیار پہاڑی ترقیاتی کونسل کرگل کے نو منتخب کونسلروں نے عہدے کا حلف لیا
لداخ ،18 اکتوبر (ہ س)۔ لداخ خود مختار پہاڑی ترقیاتی کونسل کرگل کے نو منتخب کونسلروں نے سرکاری طور پر اپنے عہدے کا حلف لیا۔ واضح رہے کہ ہل کونسل انتخابات میں کانگریس اور این سی اتحاد نے 26 میں سے 22 سیٹوں پر جیت درج کی تھی۔ ان نو منتخب کونسلروں کو عہدے کا حلف پرنسپل ڈسٹرکٹ اینڈ سیشن جج اقبال احمد مسعودی نے دلایا۔
حلف اٹھانے والے کونسلرز میں عبدالصمد، عبدالواحد، محمد جواد، کاچو محمد فیروز، عبدالہادی، آغا عی النہدا، اسٹینزین گگمٹ، پنچوک تاشی، اسٹینزین لکپا، الطاف حسین، حاجی محمد عباس، خادم حسین، محمد حسین، محمد عباس، محمد عباس اور محمد علی،امین، منظور حسین، فیروز احمد خان، ناصر حسین منشی، سید مجتبیٰ موسوی، سید علی، محمد سجاد خان، غلام حیدر، عاشق علی، ڈاکٹر محمد جعفر اخون، ذاکر حسین، لیاقت علی خان، اور پدما دورجے شامل ہیں۔
حکام نے لداخ خود مختار پہاڑی ترقیاتی کونسل کرگل کا پہلا اجلاس آج ہونے طے پایا ہے جس کے دوران چیف ایگزیکٹو کونسلر یعنی چیئرمین کا انتخاب کیا جائے گا۔ اس حلف برداری تقریب میں ڈپٹی کمشنر کرگل، شری کانت سوسے، دیگر ضلعی افسران، سابق کابینہ وزرا، سابق ممبران قانون ساز اسمبلی، مذہبی تنظیموں کے نمائندے، مختلف سیاسی جماعتوں کے اراکین اور دیگر معززین موجود تھے۔
واضح رہے کہ لداخ یو ٹی کے کرگل خود مختار پہاڑی ترقیاتی کونسل کے انتخابات 4 اکتوبر کو منعقد ہوئے تھے۔ ان انتخابات میں نیشنل کانفرنس اور کانگرس کو 22 سیٹوں پر کامیابی ملی، جبکہ بی جے پی نے دو سیٹوں کو حاصل کیا، وہیں آزاد امیدوار دوسیٹیں حاصل کرنے میں کامیاب ہوئے۔
ہندوستھان سماچار
/شہزاد
