رانچی، 27 اکتوبر (ہ س)۔ نیشنل ہیلتھ مشن، جھارکھنڈ میں جوائنٹ سکریٹری-کم-فنانس ایڈوائزر، وزارت صحت (مرکزی حکومت) غیاث الدین احمدکی صدارت میں جمعہ کوایک جائزہ میٹنگ منعقد ہوئی۔ میٹنگ میں احمد نے کہا کہ اسپتال میں آنے والے تمام مریضوں کی آیوشمان کارڈ اسکریننگ کی جائے ۔ اس کے علاوہ جن لوگوں کا آیوشمان کارڈ نہیں بنایا گیا ہے اور اگر وہ اس کے اہل ہیں تو ان کا آیوشمان کارڈ بنایا جائے۔
احمد نے جائزہ میٹنگ میں ہدایت دی کہ جھارکھنڈ میں تمام لوگوں کے آبھا کارڈ بنانے کا ہدف مقرر کیا جائے۔ ان کو کیا کیا بیماری ہے ، اس کا ڈیجیٹل ریکارڈ اسپتال میں دستیاب ہوجس سے ان کا علاج کرنے میں آسان ہو۔ انہوں نے کہا کہ یہ کام دہلی، ممبئی، کیرالہ وغیرہ شہروں میں ہو رہا ہے۔ ریاست جھارکھنڈ میں اب تک 70 لاکھ 71 ہزار لوگوں کے آبھا کارڈ بن چکے ہیں۔ جائزہ میٹنگ کے دوران قومی صحت مشن اور آیوشمان بھارت اسکیم کے ساتھ دیگر اسکیموں کا جسمانی اور مالی جائزہ بھی لیا گیا۔
مہم کے ڈائریکٹر، نیشنل ہیلتھ مشن، جھارکھنڈ، آلوک ترویدی نے کہا کہ ہمارا مقصد زیادہ سے زیادہ لوگوں کی اسکریننگ کرنا اور آیوشمان کارڈ بنانا ہے۔ انہوں نے بتایا کہ حکومت آبھا کارڈ بنانے کے لئے کوشاں ہے ۔ اس حوالے سے لوگوں کو آگاہ کرنے کے لیےتشہیر بھی کی جارہی ہے۔
جائزہ میٹنگ کے دوران ڈاکٹر وریندر کمار، ڈائریکٹر ہیڈ، ہیلتھ سروسز، منوج کمار، ڈائریکٹر فائنانس، لکشمی نارائن کشور، ایڈمنسٹریٹو آفیسر، ڈاکٹر راکیش دیال، نوڈل آفیسر، مختلف پروگراموں اور سیل کے نوڈل آفیسر، ایس پی ایم یو سیل، مختلف پروگراموں اور سیل کنسلٹنٹس، آیوشمان کنسلٹنٹس اور ایڈز کنٹرول کنسلٹنٹس اور دیگر بھی موجود تھے۔
ہندوستھان سماچار
