لکھنؤ، 27 دسمبر (ہ س)۔
اتر پردیش نے بجلی کی پیداوار کے میدان میں ایک اور تاریخی کامیابی حاصل کی ہے۔ اوبرا-سی 2×660 میگاواٹ پاور پلانٹ کے پہلے یونٹ نے منگل کو دوپہر 2.30 بجے پوری صلاحیت سے بجلی پیدا وار شروع کر دی ہے۔ اس پلانٹ کے مکمل طور پر شروع ہونے کے بعد، اتر پردیش کی بجلی کی پیداواری صلاحیت میں 10 فیصد اضافہ ہو جائے گا۔
ریاستی وزیر توانائی اے کے شرما نے توانائی کے شعبے کے تمام اہلکاروں کو پوری صلاحیت کے ساتھ پاور پلانٹ کے شروع کر نے پر مبارکباد دی ہے اور اس کامیابی کے لیے وزیر اعظم اور وزیر اعلیٰ کا شکریہ ادا کیا ہے۔ انہوں نے کہا کہ یوگی حکومت ریاست کو توانائی کے شعبے میں خود کفیل بنا کر وزیر اعظم کے وژن کو پورا کرے گی۔ انہوں نے کہا کہ جلد ہی ریاست اپنی بجلی کی پیداوار کو دوگنا کرنے کا ہدف حاصل کر لے گی۔ جلد ہی ریاست کے لوگوں کو تھرمل اور سولر انرجی کے ذریعے وافر اور بلا تعطل بجلی ملے گی۔
وزیر توانائی نے کہا کہ اوبرا سی 2×660 میگاواٹ کی صلاحیت والا پاور پلانٹ ایک سپر کرٹیکل ٹیکنالوجی پر مبنی پروجیکٹ ہے اور یہ پلانٹ 13,005 کروڑ روپے کی لاگت سے بنایا گیا ہے۔ سپر کریٹیکل ٹیکنالوجی پر مبنی یہ پاور پلانٹ ماحولیاتی معیارات کے مطابق ہوگا ۔
انہوں نے کہا کہ اوبرا سی 660 میگاواٹ کے پہلے یونٹ سے بجلی کی کمرشیل پیداوار بھی جلد شروع ہو جائے گی۔ پاور پلانٹ کے افتتاح کے بعد عوام کے استعمال کے لیے بجلی کی فراہمی شروع ہو جائے گی۔
ہندوستھان سماچار/
/عطاءاللہ
