پٹنہ، 8 جنوری(ہ س)۔
وزیراعلیٰ نتیش کمار کی صدارت میں آج کابینہ کی میٹنگ ہوئی۔ اس اجلاس میں کل 19 ایجنڈے کی منظوری دی گئی ہے۔ سب سے اہم بات یہ ہے کہ بہار حکومت نے ایک نیا محکمہ کھیل محکمہ بنانے کا فیصلہ کیا ہے۔ تمام کھیل اس شعبہ کے تحت آئیں گے۔ محکمہ کھیل کے قیام کے بعد اب بہار میں کل 45 محکمے ہیں۔
پنچایتی نمائندوں کے اعزازیہ میں اضافے کا کابینہ میں بڑا فیصلہ۔ تمام چھ قسم کے نمائندوں کا اعزازیہ دوگنا کر دیا گیا ہے۔ اس سے حکومت کو 3 ارب 85 کروڑ روپے سے زائد کا نقصان ہوگا۔ اب ریاست میں مکھیا کو 5000 روپے اور نائب مکھیا کو 2500 روپے کا اعزازیہ ملے گا۔
گرام پنچایت ممبران کی تعداد 500 سے بڑھا کر 800 کر دی گئی۔ سرپنچ کی تنخواہ ڈھائی ہزار سے بڑھا کر پانچ ہزار کر دی گئی۔ نائب سرپنچ کی تعداد بارہ سو سے بڑھا کر ڈھائی ہزار کر دی گئی۔ گرام کچہری کے ممبران کی تعداد 500 سے بڑھا کر 800 کر دی گئی ہے۔
کابینہ میں آنگن باڑی سیویکا اورسہائیکا کے اعزازیہ میں اضافے کا فیصلہ بھی کیا گیا۔ آنگن باڑی عملہ کا اعزازیہ 5950 روپے سے بڑھ کر 7000 روپے ہو گیا ہے۔ ساتھ ہی آنگن باڑی اسسٹنٹ کا اعزازیہ 2975 روپے سے بڑھا کر 4000 روپے کر دیا گیا ہے۔ اس سے حکومت کو 286.37 کروڑ روپے سے زیادہ کی لاگت آئے گی۔واضح ہو کہ کچھ روز قبل وزیر اعلیٰ نتیش کمار نے ایک وفد سے ملاقات کی تھی۔
ہندوستھان سماچار/ افضل/محمد
