چنڈی گڑھ ، 18 فروری ۔
بھارتی فضائیہ کے ہیلی کاپٹر چنوک کو اتوار کی دوپہر تکنیکی خرابی کے باعث پنجاب کے ضلع برنالہ کے گاو¿ں ڈھڈریاں میں لینڈ کرنا پڑا۔ ہیلی کاپٹر کا پائلٹ اور عملہ مکمل طور پر محفوظ ہے۔ ہیلی کاپٹر کے اچانک لینڈنگ کے باعث قریب ہی لوگوں کی بڑی تعداد جمع ہوگئی جس پر قابو پانے کے لیے پولیس کو موقع پر بلانا پڑا۔
فضائیہ کا چنوک ہیلی کاپٹر آج عام پرواز پر تھا۔ اچانک فنی خرابی کے باعث تین رکنی عملے کی عقلمندی سے ہیلی کاپٹر کو احتیاطی تدابیر کے طور پر ضلع برنالہ کے گاو¿ں ڈھڈریاں کے کھیتوں میں اتارا گیا۔ کھیتوں میں ہیلی کاپٹر کے اترنے کی اطلاع ملتے ہی آس پاس کے دیہات کے لوگ بڑی تعداد میں وہاں جمع ہو گئے۔ معاملے کی اطلاع ملتے ہی پولیس اور سول انتظامیہ کے اہلکار موقع پر پہنچ گئے اور ایئر فورس کے حکام سے بات کی۔فضائیہ کے ایک اہلکار نے بتایا کہ ہیلی کاپٹر میں خرابی دور کرنے کے لیے ایک تحقیقاتی ٹیم بھیج دی گئی ہے۔ پولیس نے پورے علاقے کو گھیرے میں لے لیا ہے جہاں ہیلی کاپٹر اترا ہے۔ آئی اے ایف کے مطابق عملہ اور ہیلی کاپٹر محفوظ ہیں۔
