شملہ، 07 دسمبر (ہ س)۔ ہماچل پردیش میں سردی کے تیور جاری ہیں ۔ ریاست میں رات کا درجہ حرارت مسلسل گر رہا ہے۔ قبائلی اضلاع میں کئی دنوں سے پارہ صفر سے نیچے ہے۔ گزشتہ 24 گھنٹوں کے دوران 10 شہروں کے کم سے کم درجہ حرارت میں کمی ریکارڈ کی گئی۔
موسمیاتی مرکز شملہ کی رپورٹ کے مطابق بھونتر، اونا، پالم پور، سولن، منالی، چمبہ، جبڑہٹی، سیوباغ، دھولہ کنواں اور سمدھو کے درجہ حرارت میں کمی آئی ہے۔ قبائلی ضلع لاہول اسپتی میں چین کی سرحد سے متصل سمدھو گاو¿ں ریاست کا سرد ترین مقام رہا، جہاں کم سے کم درجہ حرارت مائنس 3.6 ڈگری سیلسیس ریکارڈ کیا گیا۔
اس کے علاوہ شملہ میں کم سے کم درجہ حرارت 7.2 ڈگری، سندر نگر 3.2میں ڈگری، بھونتر میں 2 ڈگری، کلپا میں 0.4 ڈگری، دھرم شالا میں 10.2 ڈگری، اونا میں 5.8 ڈگری، ناہن میں11.7 ڈگری، پالم پور میں 6 ڈگری، سولن میں 5 ڈگری، منالی میں1.4 ڈگری، کانگڑا میں 7.7 ڈگری، منڈی میں 3.5 ڈگری، چمبہ میں 4.9 ڈگری، جبڑہٹی میں 8.8 ڈگری، کفری میں 5.8 ڈگری، نارکنڈہ میں 3.6 ڈگری، ریکانگ پیو میں 3.3 ڈگری، سیوباغ میں 2 ڈگری، دھولا کنواں، برٹھی میں 6.5 ڈگری سیلسیس، سراہن میں 4.5 ڈگری اوردیہرا گوپی پور میں 11 ڈگری سیلسیس ریکارڈ کیا گیا۔
دن کے وقت دھوپ سے نجات
ریاست میں اس سردی کے موسم میں راحت کی بات یہ ہے کہ دن کے وقت دھوپ کی وجہ سے موسم خوشگوار ہے اور لوگوں کو سردی سے راحت مل رہی ہے۔ ریاست میں زیادہ سے زیادہ درجہ حرارت نارمل ریکارڈ کیا جا رہا ہے۔ ریاست میں گزشتہ تین چار دنوں سے موسم مکمل طور پر صاف ہے۔
مشہور سیاحتی مقامات شملہ اور منالی میں سیاح برف باری کا بے صبری سے انتظار کر رہے ہیں۔ تاہم آئندہ چند روز میں برف باری کا کوئی امکان نہیں ہے۔
محکمہ موسمیات کی پیشن گوئی کے مطابق 10 دسمبر تک ریاست بھر میں موسم میں کوئی تبدیلی نہیں ہوگی۔ 11 اور 12 دسمبر کو ریاست کے اونچے پہاڑی علاقوں میں بارش اور برف باری کا امکان ہے۔ جبکہ میدانی اور وسطی علاقوں میں موسم صاف رہے گا۔
ہندوستھان سماچار
