نئی دہلی، 20 دسمبر (ہ س)۔ کورونا اور اس کے نئے ویرینٹ جے این-1 کے بڑھتے ہوئے خطرے کے پیش نظر، مرکزی وزیر صحت منسکھ منڈاویہ نے بدھ کے روز ریاستوں اور مرکز کے زیر انتظام علاقوں کے وزرائے صحت کے ساتھ صحت کی سہولیات اور طبی خدمات کی تیاریوں پر ایک اعلیٰ سطحی جائزہ میٹنگ کی۔ ورلڈ ہیلتھ آرگنائزیشن نے کورونا کے جے این -1 ویرینٹ آف ایٹریسٹ سمجھا ہے، جس کا مطلب ہے کہ یہ وائرس تیزی سے پھیل سکتا ہے۔
اس اعلیٰ سطحی جائزہ میٹنگ میں مرکزی وزیر صحت منسکھ منڈاویہ نے کہا کہ یہ وقت ایک دوسرے کے ساتھ مل کر کام کرنے کا ہے۔ ہمیں گھبرانے کی نہیں، محتاط رہنے کی ضرورت ہے ۔ اسپتال کی تیاری، نگرانی میں اضافہ اور لوگوں کے ساتھ موثر مواصلات کی ماک ڈرل کے ساتھ تیار رہنا ضروری ہے۔ انہوں نے کہا کہ تمام اسپتالوں میں 3 ماہ میں ایک بار ماک ڈرل ہونا چاہیے۔ اس کے لیے مرکزی حکومت کی طرف سے ریاستوں کو ہر طرح کی مدد فراہم کی جائے گی۔ انہوں نے عہدیداروں کو تیاریوں میں کسی طرح کی کوتاہی نہ برتنے کی ہدایت دی ۔انہوں نے ریاستوں سے کہا کہ صحت کا میدان کسی سیاست کا میدان نہیں ہے۔ مرکزی وزارت صحت ہر مدد کے لیے دستیاب ہے۔
قابل ذکر ہے کہ کیرالہ میں کورونا کے نئے ویرینٹ جے این -1 کے ایک معاملے کی تصدیق ہوئی ہے۔ دنیا کے کئی ممالک میں کورونا کے نئے کیسز تیزی سے بڑھ رہے ہیں۔
ہندوستھان سماچار
