نئی دہلی، 24 نومبر (ہ س)۔ دہلی کی ساکیت عدالت نے ٹی وی صحافی سومیا وشواناتھن کے قتل کے مجرموں کو سزا دینے کے معاملے میں فیصلہ محفوظ کر لیا ہے۔ ایڈیشنل سیشن جج رویندر کمار پانڈے نے کل یعنی 25 نومبر کو مجرموں کی سزا کی مدت پر فیصلہ سنانے کا حکم دیا۔
18 اکتوبر کو عدالت نے روی کپور، امیت شکلا، اجے کمار اور بلجیت ملک کو سومیا وشواناتھن کے قتل اور مکوکا کیس میں مجرم قرار دیا۔ عدالت نے ان چاروں کو مکوکا کی دفعہ 3 (1) (i) کا بھی قصوروار پایا ہے۔ اس کے علاوہ چوتھے ملزم اجے سیٹھی کو مکوکا کے تحت سزا سنائی گئی۔ عدالت نے سیٹھی کو تعزیرات ہند کی دفعہ 411 اور مکوکا کی دفعہ 3 (2) اور 3 (5) کے تحت بھی قصوروار پایا ہے۔
سومیا وشواناتھن کا 30 ستمبر 2008 کی رات دفتر سے واپسی کے دوران قتل کر دیا گیا تھا۔ بلجیت ملک پر مکوکا کے تحت مقدمہ چل رہا ہے جس کی وجہ سے انہیں باقاعدہ ضمانت نہیں مل رہی ہے۔ روی کپور اور امیت شکلا کو 2009 میں آئی ٹی ایگزیکٹیو جگیشا گھوش قتل کیس میں بھی مجرم ٹھہرایا گیا تھا۔
ہندوستھان سماچار
