دہلی ، 25 اکتوبر ( ہ س)۔
ویلفیئر پارٹی اف انڈیا نے دہلی میں پھیل رہی گندگی کے خلاف مورچہ کھول دیا ہے۔ پارٹی کے جنوبی دہلی کے صدر نثار احمد خاں کی صدارت میں اوکھلا میں واقع پارٹی کے ہیڈ کوارٹر میں گندگی سے جوجھ رہی عوام بالخصوص اوکھلا اسمبلی حلقے کی عوام کے مسائل کو لیکر ایک میٹنگ منعقد ہوئی۔ جس میں اوکھلا اسمبلی کے کنوینر احسن فیروزابادی نے کہا کہ اوکھلا میں مختلف سیاسی جماعتیں سرگرم ہیں اور ان سیاسی جماعتوں کے ذمہ داران فتحیاب ہو کر آتے رہے ہیں مگر کسی نے بھی اوکھلا میں صفائی کے تعلق سے سنجیدگی سے کوئی کام نہیں کیا ہے۔ اوکھلا کی بھولی بھالی عوام کے لئے صرف جھوٹے وعدوں کے علاوہ کچھ نہیں کیا گیا۔ سیور لائنوں کا برا حال ہے۔ گندا پانی سیور لائنوں سے بہتا رہتا ہے۔ احسن فیروزآبادی نے بتایا کہ ہم نے صفائی کرنے والے میونسپلٹی کے اہلکاروں کی تعداد معلوم کی تو پتا چلا کہ اوکھلا کے لیے ان کی تعداد 107 ہے لیکن وہ اپنی ذمہ داری ادا نہیں کرتے۔ انہوں نے کہا کہ اتنی بڑی تعداد میں اگر صفائی کرنے والوں کو رکھا گیا ہے تو آخر وہ نظر کیوں نہیں آتے کسی بھی گلی میں جھاڑو نہیں لگائی جاتی جس کے چلتے مٹّی اور کیچڑ سوکھ کر ہوا میں شامل ہو جاتی ہے جو سانس کے ذریعے ہمارے جسم میں جاتی ہے اور ہمیں بیمار کرتی ہے لہٰذا اس جانب اوکھلا کے کاو¿نسلر اوررکن اسمبلی کو توجوہ دینا چاہئے۔ احسن فیروزآبادی نے کہا کہ اس لئے اوکھلا کی عوام کو بھی بیدار ہونے کے ضرورت ہے اس لئے ویلفیئر پارٹی کے ذریعہ سے اوکھلا کی سبھی گلیوں میں صفائی کی مانگ کو لیکر ہر گلی میں بڑی تعداد میں اسٹیکر لگائے جائیں گے اور عوام کو اس تعلق سے بیدار کرنے کے ساتھ ساتھ سیاسی ذمہ داران کو متوجہ کیا جائے گا۔
میٹنگ میں نثار احمد خاں ،احسن فیروزآبادی کے علاوہ جنوبی دہلی کے سیکرٹری محمد کیف احمد ، اوکھلا اسمبلی کے صدر عبدالستار ، خازن جنید احمد ، شکیل احمد شکیل، رئیس الدین سیفی ، محمد عاطف، انتظار احمد ، معروف احمد ، محمد شفیق ، فیروز احمد ، گلشاد احمد ، مامون احمد ، رضوان احمد ، اصلاح صابری و دیگر افراد شامل رہے۔
ہندوستھان سماچار
