بالی ووڈ کی ہونہار اسٹار مانوشی چھلر اس سال کانز فلم فیسٹیول میں شرکت کریں گی۔ وہ ریڈ کارپیٹ کو دباو¿ سے زیادہ’’مزیدار‘ مانتی ہیں۔ انہوں نے شیئر کیا کہ وہ اور ان کے اسٹائلسٹ ابھی بھی کئی لک آپشنس پر کام کر رہے ہیں۔مس ورلڈ بننے والی اداکارہ نے کہا کہ وہ فیسٹول کے 77ویں ایڈیشن میں شرکت کے لیے پرجوش ہیں۔ انہوں نے کہا کہ اس طرح کے عالمی ایونٹ کا حصہ بننا ہمیشہ مزہ آتا ہے۔
مانوشی کو آخری بار ’بڑے میاں-چھوٹے میاں‘ میں دیکھا گیا تھا ، جس میں انہیں کیپٹن میشا کے طور پر ان کی اداکاری کی تعریف ملی تھی۔ وہ اب’تہران‘ کی ریلیز کا انتظار کر رہی ہیں ، جس میں وہ جان ابراہم کے ساتھ اسکرین اسپیس شیئر کرتی نظر آئیں گی۔
