سلمان خان اور کٹرینہ کیف کی فلم ’ٹائیگر 3‘ اتوار 12 نومبر کو ریلیز ہوئی۔ فلم نے ریلیز کے پہلے دن ہی زبردست کمائی کی۔ تاہم اب فلم کی کمائی بتدریج کم ہورہی ہے۔ چوتھے دن کمائی میں نمایاں کمی آئی ہے۔
’ سیک نیلک ‘ ٹرینڈ رپورٹ کے مطابق ’ ٹائیگر -3‘ نے ریلیز کے پہلے دن 44.50 کروڑ روپے جبکہ فلم نے دوسرے دن 57.50 کروڑ روپے کا بزنس کیا۔ صرف دو دنوں میں فلم نے 102 کروڑ روپے کا ہندسہ عبور کرلیا۔ اسی طرح تیسرے دن فلم ’ٹائیگر 3‘ نے 42.50 کروڑ روپے کا بزنس کیا۔ اب چوتھے دن فلم کی کمائی میں بڑی کمی دیکھنے میں آئی۔ فلم ‘ٹائیگر 3’ نے چوتھے دن صرف 22 کروڑ روپے کا ہی بزنس کیا ہے۔ اس کمائی کے ساتھ فلم کا اب تک کا مجموعہ 169.50 کروڑ روپے تک ہی پہنچ سکا ہے۔فلم نے جوان ، پٹھان اور غدر -2 کا ریکارڈ توڑ دیا جو اس سال پہلے تین دنوں میں سب سے زیادہ کمائی کرنے والی فلموں کے طور پر ہے۔ فلم نے تین دنوں میں اچھی کمائی کی ہے۔ اگرچہ چوتھے دن فلم کی کمائی میں کمی دیکھنے میں آئی لیکن امید ہے کہ ویک اینڈ پر کمائی میں اضافہ ہوگا۔ اس ہفتے فلم 300 کروڑ کا ہندسہ عبور کر سکتی ہے۔
فلم’ٹائیگر 3‘ میں سلمان کے ساتھ کٹرینہ کیف اور عمران ہاشمی مرکزی کردار میں ہیں۔ عمران نے اس فلم میں ولن کا کردار ادا کیا ہے۔ عمران کے اس کردار کو شائقین کی جانب سے کافی پسند کیا جا رہا ہے۔ اس فرنچائز کی پچھلی فلمیں ’ایک تھا ٹائیگر‘اور’ٹائیگر زندہ ہے‘ تھیں۔ ان فلموں نے باکس آفس پر زبردست کمائی کی۔ اندازہ لگایا جا رہا ہے کہ تین دنوں میں 150 کروڑ روپے کمانے والی ‘ٹائیگر -3’ جلد ہی 500 کروڑ کے کلب میں شامل ہو سکتی ہے۔
ہندوستھان سماچارمحمدخان
