اداکار عمران ہاشمی اس وقت اپنی آنے والی فلم ”حق“ کے لیے خبروں میں ہیں لیکن مداحوں کی توجہ ان کے دوسرے انتہائی متوقع پروجیکٹ ”آوارہ پن 2“ پر بھی ہے۔ 2007 میں ریلیز ہونے والی ”آوارہ پن“ نے سامعین کے دلوں میں ایک خاص مقام حاصل کیا تھا اوراس کے سیکوئل کا اعلان ہوتے ہی، مداح اس کے ہر اپ ڈیٹ کا بے صبری سے انتظار رہے ہیں۔ اب عمران ہاشمی نے خود اس فلم کے بارے میں کھل کر بات کی ہے۔
ایک انٹرویو میں عمران ہاشمینے بتایا کہ میں فلم کی شوٹنگ اگلے ماہ شروع کرنے جا رہا ہوں، اس میں واقعی کچھ انٹینسسین شوٹ کیے گئے ہیں اور اس کی موسیقی کمال کی ہے، میں ابھی زیادہ کچھ نہیں بتا سکتا لیکن جب شائقین فلم دیکھیں گے تو وہ سمجھ جائیں گے کہ ہم نے کس سطح پر کام کیا ہے۔ انہوں نے مزید کہا، ”جب میرے دوست بلال 2022 میں اسکرپٹ لے کر آئے ، تو ہمیں کچھ بے حد شاندار ملا جو کہانی اور کردار، دونوں کے مطابق بہت درست تھا۔“
عمران نے واضح طور پر کہا، ”میں ‘آوارہ پن 2“ صرف مداحوں کی تعداد بڑھانے یا مقبولیت کا فائدہ اٹھانے کے لیے نہیں کر رہا۔ ہاں! یہ سچ ہے کہ جب بھی میں مداحوں سے ملتی ہوں،تو وہ کہتے ہیں، ”ہمیں یہ فلم پسند ہے۔“ لیکن ’آوارہ پن‘ کو جو جذباتی تعلق اور گہرائی شائقین سے ملی تھی، وہی اس سیکوئل کے لیے اصل تحریک ہے، اس محبت میں گزشتہ برسوں میں اضافہ ہوا ہے، کئی مداحوں نے تو ‘آوارہ پن’ کے ٹیٹو بھی بنوالئے ہیں۔“
ایک نئے دور کا آغاز:
عمران ہاشمی کا ماننا ہے کہ ”آوارہ پن 2“ صرف ایک سیکوئل نہیں ہے، بلکہ ایک جذباتی سفر کا تسلسل ہے۔ ان کے مطابق یہ فلم وہی درد، رومانس اور روحانی گہرائی کو سمیٹے گی جس نے پہلی فلم کو یادگار بنایا تھا۔ یہ دیکھنا باقی ہے کہ عمران اپنے اس آئیکونک کردار کو کس نئے انداز میں پردے پر لاتے ہیں۔
ہندوستھان سماچار
ہندوستان سماچار / محمد شہزاد
