سال 2023 میں بالی ووڈ سے لے کر ساوتھ تک کئی فلمیں پائریسی کا شکار ہوئیں۔ اس سال اب تک ‘دی کیرالہ اسٹوری’، ‘پٹھان’، ‘جوان’، ‘غدر-2’ سمیت کئی بڑی فلمیں ریلیز ہوتے ہی لیک ہو چکی ہیں۔ اس کے بعد بھی ان فلموں کی کمائی پر کوئی اثر نہیں پڑا۔ شاہ رخ خان کی نئی فلم ‘ڈنکی’ کا نام بھی لیک ہونے والی فلموں کی فہرست میں شامل ہو گیا ہے۔ میڈیا رپورٹس کے مطابق شاہ رخ خان کی فلم ‘ڈنکی’ ریلیز ہوتے ہی کئی آن لائن سائٹس پر ایچ ڈی پرنٹ میں لیک ہو گئی ہے۔ خیال کیا جا رہا ہے کہ فلم کے آن لائن لیک ہونے سے ‘ڈنکی’ کی کمائی متاثر ہو سکتی ہے۔ اس سے قبل بھی کئی فلمیں لیک ہو چکی ہیں لیکن ان کا فلموں کی کمائی پر کوئی خاص اثر نہیں پڑا۔ اب دیکھنا یہ ہے کہ فلم ‘ڈنکی’ پر اس کا کتنا اثر پڑتا ہے۔
سکنلک کی رپورٹ کے مطابق، ‘ڈنکی’ نے پہلے دن باکس آفس پر زبردست کمائی کی ہے۔ اس فلم نے ریلیز کے دن 30 کروڑ روپے کا بزنس کر لیا ہے۔ شاہ رخ خان کی فلم ‘ڈنکی’ کو راجکمار ہیرانی نے ڈائریکٹ کیا ہے۔ شاہ رخ نے اس فلم میں ’ہارڈی‘ کا کردار ادا کیا ہے۔ اس فلم میں شاہ رخ کے علاوہ وکی کوشل، تاپسی پنو، وکرم کوچر، بومن ایرانی بھی اہم کردار ادا کر رہے ہیں۔ ‘ڈنکی’ میں شاہ رخ کے ساتھ وکی کے کردار کی بھی کافی تعریف ہو رہی ہے۔
ہندوستھان سماچار
