جموں، 12 دسمبر (ہ س)،بالی ووڈ کے بادشاہ شاہ رخ خان نے اپنی فلم ’ڈنکی‘ کی ریلیز سے کچھ دن قبل منگل کو یہاں ماتا ویشنو دیوی کے درشن کرنے کٹرا پہنچے ۔ سیاہ رنگ کے ہوڈی میں تقریباً پوشیدہ انداز میں 58 سالہ اداکار کو ماتا ویشنو دیوی کٹرا بھون میں چہل قدمی کرتے ہوئے دیکھا گیا۔ شاہ رخ کے ساتھ ان کی منیجر پوجا ددلانی اور ان کی سیکیورٹی اہلکار موجود تھے ۔شارخ خان کا ایک سال کے اندر کٹرا میں واقع ویشنو دیوی کے مندر کا یہ تیسرا دورہ ہے ۔ اداکار نے اگست اور دسمبر 2022 میں بالترتیب اپنی فلموں جوان اور پٹھان کی ریلیز سے قبل ماتا ویشنو دیوی کے درشن کئے تھے۔ جموں کے ریاسی ضلع میں واقع وشنو دیوی کا مندر تریکوٹہ پہاڑیوں کے اوپر ایک مشہور مذہبی مقام ہے ۔جہاں ہر سال دنیا بھر سے لاکھوں عقیدت مندوں کی آمد رہتی ہے ۔بتا دیں کہ ڈنکی شاہ رخ کی سال 2023 کی تیسری اور آخری ریلیز ہونے والی فلم ہے ۔اس سے قبل پٹھان اور جوان نے باکس آفس پر خوب تہلکہ مچایا تھا۔ راجکمار ہیرانی کی ہدایت کاری میں بننے والی یہ فلم ایک مزاحیہ ڈرامہ ہے جو ایک غیر قانونی امیگریشن تکنیک پر مبنی ہے ۔ یہ 21 دسمبر کو سینما گھروں میں ریلیز ہونے والی ہے۔
اصغر/ہندوستھان سماچار/سلام
