بالی ووڈ ہدایت کار کرن جوہر کا’کافی ود کرن‘ ایک مقبول شو ہے۔ شو کے حال ہی میں ریلیز ہونے والے ایپی سوڈ میں آدتیہ رائے کپور اور ارجن کپور موجود تھے۔ آدتیہ اور ارجن نے کرن جوہر کے مشکل سوالات کے جوابات بہت دلکش انداز میں دیئے۔ آدتیہ نے ’کافی ود کرن‘ میں اننیا پانڈے اور عاشقی -3 پر بھی تبصرہ کیا۔
بالی ووڈ کی کئی فلموں میں کام کرنے والے آدتیہ نے سال 2009 میں فلم لندن ڈریمز سے اپنے کریئر کا آغاز کیا۔ 2013 میں ریلیز ہونے والی عاشقی 2 نے انہیں حقیقی مقبولیت دلائی۔ یہ 1990 کی باکس آفس پر کامیاب فلم عاشقی کا سیکوئل تھا۔ عاشقی کی طرح عاشقی 2 بھی سپرہٹ رہی۔ اس فلم میں آدتیہ کے ساتھ بالی ووڈ اداکارہ شردھا کپور نے مرکزی کردار ادا کیا تھا۔ عاشقی 2 کے بعد اب عاشقی 3 کے چرچے زوروں پر ہیں۔ عاشقی -3 میں آدتیہ کپور نہیں بلکہ کارتک آریان مرکزی کردار میں نظر آئیں گے۔ اب آدتیہ نے عاشقی -3 میں کارتک آرین کے اس معاملے پر اپنی خاموشی توڑ دی ہے۔
’کافی ود کرن‘ میں کرن نے آدتیہ سے پوچھا ’ جب آپ کی فلم کے سیکوئل میں کوئی اور کام کرتا ہے تو آپ کو کیسا لگتا ہے ؟‘ اس کا جواب دیتے ہوئے آدتیہ نے کہا ، ’ عاشقی 2 میں میں نے جو کردار ادا کیا تھا، وہ مر گیا تھا۔ اس لیے اس کردار کے واپس آنے کا کوئی امکان نہیں تھا۔ آدتیہ کے جواب پر ارجن کا کہنا ہے کہ اس کے بعد وہ نائٹ منیجر بن گئے۔
آدتیہ رائے کپور اننیا پانڈے پچھلے کچھ دنوں سے خبروں میں ہیں کیونکہ وہ ان سے ڈیٹنگ کر رہی ہیں۔ انہیں کئی جگہوں پر ایک ساتھ دیکھا گیا ہے ، لیکن دونوں نے اپنے تعلقات کے بارے میں براہ راست بات کرنے سے گریز کیا ہے۔
ہندوستھان سماچارمحمدخان
