نئی دہلی، 29 نومبر (ہ س)۔ اسکوٹی کے شوقین ایک آٹو لفٹر کو دوارکا ضلع کی اینٹی برگلری سیل کی ٹیم نے گرفتار کیا ہے۔ گرفتار آٹو لفٹر کی شناخت سچن عرف موٹا کے طور پر کی گئی ہے۔ پولیس ٹیم نے اس سے تین مسروقہ اسکوٹی بھی برآمد کی ہیں۔ و ہ پہلے بھی نصف درجن مختلف معاملات میں ملوث رہاہے۔
ڈی سی پی ایم ہرش وردھن نے بتایا کہ اینٹی برگلری سیل کی پولیس ٹیم کو علاقے میں ہورہی اسکوٹی چوری کی وارداتوں کے پیش نظرچھان بین کے لئے اور گرفتاری کے لیے تعینات کیا گیا تھا۔ انسپکٹر وویک منڈولا کی نگرانی میں پولیس ٹیم نے معاملے کی جانچ شروع کی اور سچن عرف موٹا کے بارے میں معلومات اکٹھی کیں۔
دادا دیو اسپتال کے قریب سروس روڈ پر ایک اسکوٹی پارک سی سی ٹی وی میں نظر آئی جو ڈابری کے علاقے سے چوری کی گئی تھی۔ جیسے ہی اس اسکوٹی کو لینے کے لئے ایک شخص شام میں وہاں پہنچا، پولیس ٹیم کو اس کی خبر مل گئی۔ اسے موقع پر پکڑلیا گیا، پھراس کی شناخت کی گئی۔ وہ اسکوٹی ڈابڑی کے علاقے سے چوری کی نکلی۔ اس کی نشاندہی پر دو اور اسکوٹی 40فٹہ روڈ چانکیہ پلیس پارٹ 2 سے برآمد کی گئی ۔
دونوں اسکوٹی جنک پوری اور بندا پور تھانہ علاقوں سے چوری کی گئی تھی۔ آٹو لفٹر بھی سیتا پوری علاقہ کا رہنے والا ہے۔ اس سے قبل یہ دوارکا ساوتھ، ڈابری، بندا پور علاقے میں 6 وارداتوں کو انجام دینے میں ملوث رہا ہے۔ اس کی گرفتاری کی وجہ سے پولیس نے ڈابری، جنک پوری اور بندا پور تھانوں کے تین معاملات کا انکشاف کرنے کا دعویٰ کیا ہے۔
ہندوستھان سماچار
