اجین، یکم جنوری (ہ س)۔
نئے سال کے پہلے دن پیر کی صبح ضلع کے انگوریہ تھانہ علاقے میں ایک خاتون نے اپنے شوہر اورجیٹھ کو پستول سے گولی مار دی۔ جس کی وجہ سے دونوں کی موت ہو گئی ہے۔ اس کے بعد بیوی تھانے پہنچی اور پولیس کے سامنے سرنڈر کر دیا۔
انگوریہ پولیس اسٹیشن کے مطابق، پیر کی صبح سویتا کی بیوی رادھیشیام جو اس علاقے میں رہتی ہے، پستول لے کر تھانے پہنچی اور بتایا کہ اس نے اپنے شوہر رادھے شیام اور جیٹھ دھیرج کو گولی مار دی ہے۔ سویتا کی بات سن کر پہلے تو پولس حیران رہ گئی، پھر وہ موقع پر پہنچی جہاں رادھے شیام کے بیٹے ناگولال کی گولی لگنے سے موت ہو گئی تھی۔ جبکہ خاتون کا جیٹھ دھیرج شدید زخمی حالت میں پڑا تھا۔ پولیس اسے فوری طور پر علاج کے لیے اجین کے ضلع اسپتال لے گئی، جہاں علاج کے دوران اس کی بھی موت ہوگئی۔
پولیس کے مطابق ابتدائی معلومات سے پتہ چلا ہے کہ سویتا آنگن واڑی میں کام کرتی ہے، جو اپنے شوہر رادھے شیام اورجیٹھ دھیرج کے جھگڑوں اور ہراسانی سے کافی عرصے سے پریشان تھی۔ جس کی وجہ سے اس نے یہ قدم اٹھایا۔ سویتا نے پولیس کو یہ بھی بتایا کہ اس کا جیٹھ دھیرج اسلحے کے غیر قانونی کاروبار میں تھا، جسے بد نگر پولیس نے کچھ دن پہلے اسمگل کرتے ہوئے پکڑا تھا۔ آج بھی وہ اسے مارنے کے لیے پستول لے کر گھر آیا تھا جسے اس نے چھین کر اپنے شوہر رادھے شیام اور جیٹھ دھیرج پر گولی چلا دی۔ جس کی وجہ سے شوہر کی موقع پر ہی موت ہو گئی۔ اسی دوران زخمی جیٹھ کی بھی ضلع اسپتال میں موت ہوگئی۔ لاشوں کو اجین کے ضلع اسپتال کے مردہ خانے میں رکھا گیا ہے۔ پولیس نے خاتون کو حراست میں لے لیا ہے اور معاملے کی تفتیش کی جا رہی ہے۔
ہندوستھان سماچار/عطاءاللہ
