نئی دہلی ۔
جہانگیرپوری تھانے کے تحت سرعام نوجوان پر فائرنگ کا معاملہ سامنے آیا ہے۔ معلومات کے مطابق دو بدمعاشوں نے نوجوان پر گولی چلا دی۔ اس فائرنگ میں آرین نامی لڑکے کو گولی لگی اور اسے قریبی بابو جگجیون رام اسپتال میں داخل کرایا گیا۔ جہاں سے ڈاکٹروں نے اسے ایل این جے پی اسپتال ریفر کر دیا۔ پولیس نے متاثرہ کے بیان پر مقدمہ درج کرلیا۔ یہ واقعہ کل شام پیش آیا۔
گولی متاثرہ آرین کی گردن کے قریب لگی۔ نوجوان کو زخمی حالت میں فوری طور پر قریبی بابو جگجیون رام اسپتال میں داخل کرایا گیا، جہاں اس کی حالت بگڑتی دیکھ کر ڈاکٹروں نے اسے علاج کے لیے ایل این جے پی اسپتال ریفر کردیا۔ اس حملے کے پیچھے کیا مقصد تھا اور حملہ آوروں نے نوجوانوں پر فائرنگ کیوں کی ابھی تک واضح نہیں ہوسکا ہے۔ تاہم ابتدائی تحقیقات میں پورے معاملے کو آپسی رنجش سے جوڑا جا رہا ہے۔
