موتیہاری میں پکڑے گئے 4 سائبر فراڈ کے پاک کنکشن کی تحقیقات میں پولیس مصروف
مشرقی چمپارن ۔ ضلع کے چھوراڈانو پولیس نے جمعہ کے روز چار سائبر فراڈ کو گرفتار کیا ہے، جن کے پاس سے ضبط موبائل میں کئی مشتبہ نمبر ملے ہیں۔ پولیس اس کی تفتیش میں مصروف ہے۔ ان نمبروں میں بہت سے نمبر پاکستان سے بھی ہیں۔
ایس پی کانتیش کمار مشرا نے بتایا کہ رکسول ڈی ایس پی کی قیادت میں چار مشتبہ لوگوں کو حراست میں لیا گیا ہے، جن سے پوچھ گچھ کی جا رہی ہے۔ یہ سائبر کرائم سے جڑے ہوئے ہیں۔ پولیس ان کی نشاندہی پر دیگر مقامات پر چھاپہ ماری کر رہی ہے جلد ہی پتہ چل جائے گا۔
انہوں نے بتایا کہ ان کے پاس سے برآمد ہونے والے موبائل فون میں پاکستانی نمبر ملے ہیں جن کے ٹاور کی لوکیشن، سی ڈی آر وغیرہ کی سنجیدگی سے تحقیقات کی جا رہی ہیں۔ ان کے بینک اکاؤنٹ کے لین دین کے ریکارڈ کی بھی چھان بین کی جا رہی ہے۔ انہوں نے بتایا کہ تھانہ علاقے کے جیت پور گاؤں کے رہنے والے بھوشن رام کو حراست میں لے لیا گیا ہے، جس میں لوٹ سمیت دیگر کئی مشتبہ معاملات میں اس شخص سے بات چیت کی گئی ہے۔ بعد میں بھوشن کے کہنے پر بنجاریا تھانہ علاقہ کے سسوا میں چھاپہ ماری کی گئی۔ وہاں سے تین افراد کو حراست میں لیا گیا ہے۔ سب کو خفیہ مقام پر رکھ کر پوچھ گچھ کی جا رہی ہے۔
