اعظم گڑھ میں شر پسند عناصر نے امبیڈکر کے مجسمہ کو نقصان پہنچایا، گاؤں والوں میں ناراضگی
اعظم گڑھ، 06 فروری (ہ س)۔ اعظم گڑھ ضلع کے روناپار تھانہ علاقہ کے توکل پور گاوں میں کل رات شرپسندوں نے امبیڈکر کی مورتی کو نقصان پہنچایا۔ منگل کی صبح جب گاوں والوں کو اس کی اطلاع ملی تو کشیدگی کا ماحول پیدا ہوگیا اور گاؤں والوں کی بڑی بھیڑ جائے واردات پر جمع ہوگئی۔ اطلاع ملتے ہی پولیس اور انتظامیہ کے افسران موقع پر پہنچ گئے اور گاؤں والوں کو سمجھایا اور توڑی گئی مورتی کی جگہ ایک اور مجسمہ لگانے کا یقین دلایا۔
روناپار تھانہ علاقہ کے توکل پور گاؤں میں کل رات شرپسندوں نے امبیڈکر کی مورتی کو نقصان پہنچایا۔ منگل کی صبح جیسے ہی گاؤں والوں کو اس کا علم ہوا، موقع پر لوگوں کی بڑی بھیڑ جمع ہوگئی۔ مشتعل گاؤں والوں نے موقع پر ہی پولیس اور انتظامیہ کے خلاف نعرے بازی شروع کر دی۔
اطلاع مل تے ہی مقامی تھانے کے سی او ساگدی شبھم ٹوڈی موقع پر پہنچ گئے۔ وہ گاؤں والوں کو سمجھانے کی کوشش کر رہے تھے اور انہیں ایک اور مجسمہ لگانے کا یقین دلایا۔ گاؤں والوں کا کہنا ہے کہ یہ تیسری بار ہوا ہے۔ شرپسند عناصر کے خلاف سخت کارروائی کی جائے۔ پولیس واقعہ کی تحقیقات میں مصروف ہے اور گاؤں والوں کو مجرموں کے خلاف سخت کارروائی کی یقین دہانی کرائی ہے۔
