حیدرآباد 16 جولائی (ہ س)۔ حیدرآباد پرانے شہر کے دارالشفا کے رہنے والے 68 سالہ بزرگ شہری ایک سائبر فراڈ کا شکار ہو گئے۔یہ واقعہ ایک نقلی یوٹیوب اشتہار دیکھنے کے بعد پیش آیا جس میں دعویٰ کیا گیا تھا کہ ایک 20 روپے کا سکہ 50 لاکھ روپے میں خریدا جائے گا۔اس لالچ میں آکر متاثرہ شخص نے ویڈیو میں دیے گئے نمبر پر رابطہ کیا جہاں ایک شخص نے خود کو راج گیانی” کے نام سے تعارف کروایا۔ دھوکہ باز نے سکہ خریدنے میں دلچسپی ظاہر کرتے ہوئے پہلے فائل بنانے” کے بہانے 1500 روپے مانگے، اس کے بعد مختلف بہانوں سے متعدد ادائیگیاں کرواتا رہا۔ متاثرہ شہری اس فرضی عمل پر بھروسہ کرتا رہا اور بالآخر اس نے مجموعی طور پر 1,46,100 روپے کھو دیے۔بعد ازاں دھوکہ بازنے مزید 1,00,000 روپے کا مطالبہ کیا، جس پر متاثرہ کو احساس ہوا کہ وہ ایک سنگین سائبر فراڈ کا شکار ہو چکا ہے۔ پولیس کی جانب سے عوام الناس کو خبردار کیا جاتا ہے کہ وہ آن لائن فراڈ سے ہوشیار رہیں خاص طور پر ان اسکیموں سے جو روزمرہ اشیاء جیسے سکوں کے بدلے غیر معمولی منافع کا دعویٰ کرتی ہیں۔کبھی بھی کسی اجنبی کو بغیر تصدیق کے رقم منتقل نہ کریں اور سوشل میڈیا یا ویڈیو پلیٹ فارمز پرگردش کرنے والی غیرمعمولی پیشکشوں سے ہوشیاررہیں۔سائبر مجرم جعلی شناخت اورجذباتی حربے استعمال کرکے اعتماد حاصل کرتے ہیں۔باخبر رہیے اور خود کوڈیجیٹل فراڈ سے محفوظ رکھیے۔تمام پیغامات، کال ریکارڈز اور لین دین کے ثبوت محفوظ رکھیں۔سائبر فراڈ کا شکار ہونے کی صورت میں فوری طور پر 1930 پر کال کریں۔
ہندوستھان سماچار
ہندوستان سماچار / محمدعبدالخالق
