امروہہ میں خاتون نے بچوں سمیت آگ لگا لی، بچے ہلاک
امروہہ، 20 اکتوبر (ہ س)۔ اترپردیش کے امروہہ ضلع کے ایک گاؤں میں جمعہ کو ایک خاتون نے اپنے دو بچوں کے ساتھ خود کو آگ لگا لی۔ تینوں کو جھلسی ہوئی حالت میں اسپتال لے جایا گیا۔ ڈاکٹروں نے دونوں بچوں کو مردہ قرار دے دیا اور خاتون کی حالت تشویشناک بتائی۔ خاتون کے اہل خانہ نے داماد پر سنگین الزامات عائد کرتے ہوئے خودسوزی کی وجہ خاندانی جھگڑا بتایا ہے۔
نتن نوگاؤں سادات تھانہ علاقہ کے گاؤں منڈھا مکاری میں کیڑے مار دوا کی دکان چلاتا ہے۔ وہ اپنی 30 سالہ بیوی منجو، بیٹی تنوی (12) اور بیٹے پارتھ (04) کے ساتھ ایک مشترکہ خاندانی گھر میں رہتا ہے۔ نتن نے بتایا کہ روزانہ کی طرح جمعہ کو بھی دکان پر تھا۔ پڑوسیوں سے خبر ملی کہ دونوں بچوں کو آگ لگانے کے بعد اس کی بیوی نے خود کو بھی آگ لگا لی ہے۔ اس کی خبر ملتے ہی اس نے اپنے سسرال والوں، گھر والوں اور پولیس کو اطلاع دی۔
اطلاع ملنے پر پولیس موقع پر پہنچی اور کسی طرح تینوں کو نکال کر جھلسی ہوئی حالت میں اسپتال لے گئی۔ وہاں ڈاکٹروں نے بچوں کو مردہ قرار دے دیا۔ خاتون کی حالت انتہائی تشویشناک بتائی جارہی ہے۔ اس دوران منجو کے ماموں جتیندر نے بتایا کہ میاں بیوی کے درمیان کچھ بھی ٹھیک نہیں چل رہا تھا۔ خاندانی جھگڑے کی وجہ سے اس کی بھانجی نے یہ قدم اٹھایا۔
پولیس حکام کا کہنا ہے کہ بنیادی طور پر یہ بات سامنے آئی ہے کہ منجو نے گھریلو جھگڑے کی وجہ سے دونوں بچوں کو آگ لگانے کے بعد خود سوزی کی کوشش کی۔ پولیس نے واقعے کی تفتیش شروع کردی ہے۔
ہندوستھان سماچار
/شہزاد
