لاتیہار، 8 نومبر ( ہ س)۔ صدر تھانہ علاقے کے سوہداگ گاوں میں منگل کی رات نقاب پوش ڈاکووں نے پنچایت سمیتی کی رکن ریشما بانو کے گھر ڈاکہ زنی کی ۔ اس دوران ڈاکوﺅں نے تقریباً 10 لاکھ روپے مالیت کا مال لوٹ لیا۔ واقعہ کی اطلاع ملتے ہی پولیس کی ٹیم بدھ کی صبح موقع پر پہنچی اور پورے معاملے کی جانچ کر رہی ہے۔
واقعہ کے بارے میں پنچایت سمیتی کی رکن ریشما بانو نے بتایا کہ وہ شام ساڑھے سات بجے کے قریب اپنے گھر میں تھیں۔ اس دوران اچانک کچھ لوگ ان کے گھر کا دروازہ کھلوانے لگے۔ جب ان کی ساس نے دروازہ کھولا تو دروازے پر نقاب پوش بدمعاشوں کو کھڑے دیکھ کر چیخنا چلانا شروع کر دیا جس پر بدمعاشوں نے ان کی ساس کو دھکا دے دیا اور اسلحے کے زور پر گھر کے تمام افراد کو یرغمال بنا لیا۔
اس کے بعد ڈاکووں نے تقریباً ڈیڑھ گھنٹے تک گھر میں لوٹ مارکی ۔ انہوں نے بتایا کہ ڈاکوو¿ں کی تعداد چھ کے قریب تھی۔ ان میں سے 5 ڈاکو اسلحے کے ساتھ گھر کے اندر تھے اور ایک ڈاکو گھر کے باہر پہرہ دے رہا تھا۔ انہوں نے بتایا کہ ان کے سسر کلیم میاں منگل کو ہی گھر سے فیض آباد علاج کے لیے نکلے تھے۔ گھر میں خاندان کے صرف چار افراد تھے۔ ان میں تین خواتین تھیں۔ پنچایت سمیتی ممبر نے بتایا کہ گھر میں رکھی نقدی کے علاوہ ڈاکووں نے سب کے زیورات بھی لوٹ لئے۔ انہوں نے بتایا کہ واقعہ کی اطلاع پولیس کو دے دی گئی ہے۔
اس سلسلے میں اطلاع ملتے ہی پولیس انسپکٹر آشوتوش کمار کی ہدایت پر پولیس ٹیم موقع پر پہنچی اور پورے معاملے کی جانچ شروع کر دی۔ پولیس حکام کا کہنا ہے کہ پولیس جلد ہی واقعے میں ملوث مجرموں کی نشاندہی کرکے انہیں سلاخوں کے پیچھے بھیجے گی۔
ہندوستھان سماچار
