غازی آباد، 21 اکتوبر (ہ س)۔
پولیس کمشنریٹ غازی آباد کی کرائم برانچ پولیس نے غیر قانونی ہتھیاروں کی اسمگلنگ میں ملوث 02 بین ریاستی اسمگلروں کو گرفتار کیا ہے۔ ملزمان کے قبضے سے 02 پستول، 05 طمنچے اور کارتوس برآمد ہوئے ہیں۔ یہ دونوں غیر قانونی اسلحہ سپلائی کرنے کا منظم گینگ چلاتے ہیں۔ یہ گروہ غازی آباد، باغپت اور دہلی این سی آر، ہریانہ میں غیر قانونی ہتھیاروں کی اسمگلنگ کرتا ہے۔ دونوں کو صنعتی علاقہ چوراہا تھانہ کوی نگر سے گرفتار کیا گیا ہے۔ اے سی پی کرائم نے بتایا کہ پوچھ گچھ پر ملزم پون نے بتایا کہ 12ویں پاس کرنے کے بعد اس نے الیکٹریشن ٹریڈ میں آئی ٹی آئی کیاتھا اور کچھ دنوں تک الیکٹریکل مکینک کی نوکری کی تھی جس کے بعد وہ بری صحبت میں پڑ گیا اور چوری اور شراب میں ملوث لوگوں سے رابطہ میں آگیا۔ چونکہ الیکٹریکل مکینک کے کام میں زیادہ منافع نہیں ہوتا تھا۔ اس لیے اس نے ہریانہ سے شراب کی اسمگلنگ شروع کردی۔ ماضی میں وہ باغپت اور غازی آباد میں شراب کی اسمگلنگ کے جرم میں جیل جا چکا ہے۔ جیل سے رہا ہونے کے بعد وہ جانی یادو عرف بلرام اور للت کے رابطے میں آیا، جو اس کے ہی گاؤں سے دیسی ساختہ پستول سپلائی کر رہے تھے۔ جانی اور للت نے اسے بتایا کہ پستول کی سپلائی میں بہت آمدنی ہوتی ہے، ایک پستول کی قیمت پندرہ سے بیس ہزار روپے ہوتی ہے اور پینتیس سے چالیس ہزار میں فروخت ہوتی ہے۔ اس کے بعد پون نے ان دونوں کے ساتھ مل کر اس کی سپلائی کرنا شروع کر دیں اور کافی پیسے کمانے لگا۔
ہندوستھان سماچار/
/عطاءاللہ
