ساوتھ کی فلمیں باکس آفس پر مسلسل اچھی کارکردگی دکھا رہی ہیں۔ اب تک ساو¿تھ کی کئی فلموں نے دنیا بھر میں ریکارڈ توڑ کمائی کی ہے۔ اب تھلاپتی وجے کی فلم ” لیو “ بھی اس فہرست میں شامل ہوگئی ہے۔سپر اسٹار تھلاپتی وجے کی فلم ” لیو “ حال ہی میں ریلیز ہوئی ہے۔ ریلیز سے قبل ہی اس فلم کو لے کر شائقین میں کافی تجسس تھا۔ فلم نے ایڈوانس بکنگ میں کروڑوں روپے کمائے۔ اب لیو باکس آفس پر دھوم مچا رہی ہے۔
فلم نے پہلے دن دنیا بھر میں 148.5 کروڑ روپے کمائے۔ جس میں سے فلم نے بھارت میں 64.80 کروڑ روپے کمائے۔ دوسرے دن فلم نے دنیا بھر میں تقریباً 70 کروڑ روپے کی کمائی کی ہے۔ فلم نے اب تک دنیا بھر میں تقریباً 215 کروڑ روپے کا بزنس کیا ہے۔ فلم نے پہلے دن 148 کروڑ روپے کما کر رجنی کانت کی ’جیلر ‘ کو پیچھے چھوڑ دیا۔
لیو، جس میں تھالاپتھی وجے مرکزی کردار میں ہیں، کو متعدد زبانوں میں ریلیز کیا گیا ہے جن میں تامل ، تیلگو ، ملیالم ، کنڑ اور ہندی شامل ہیں۔ تھلاپتی وجے کے علاوہ فلم میں سنجے دت ، ترشا کرشنن ، منصور علی خان ، پریا آنند ، میشکن ، ارجن سرجا اور گوتم واسودیو مینن بھی اہم کرداروں میں ہیں۔
ہندوستھان سماچارمحمدخان
