اترپردیش کے قنوج میں گینگسٹر کے ساتھ پولیس انکاؤنٹر، کانسٹیبل شہید
قنوج، 26 دسمبر (ہ س)۔ اترپردیش کے قنوج ضلع کے وشن گڑھ تھانہ علاقہ کے دھرنی دھیر پور گاؤں میں پیر کی شام ایک گینگسٹر کے ساتھ انکاونٹر میں زخمی کانسٹیبل کی موت ہوگئی۔ پولیس نے انکاونٹر کے دوران ہسٹری شیٹر کو اس کے بیٹے سمیت گرفتار کر لیا۔
حکام نے بتایا کہ پولیس ٹیم ایک ہسٹری شیٹر کو گرفتار کرنے گئی تھی۔ ہسٹری شیٹر نے اپنی بیوی اور بیٹے کے ساتھ گھر کے اندر سے پولیس ٹیم پر فائرنگ کر دی۔ اس انکاونٹر کے دوران ایک بدمعاش کی گولی لگنے سے ایک کانسٹیبل زخمی ہو گیا۔ انہیں اسپتال میں داخل کرایا گیا، جہاں ان کی موت ہوگئی۔ پولیس نے تصادم کے دوران ہسٹری شیٹر کو اس کے بیٹے سمیت گرفتار کر لیا گیا۔
پولیس سپرنٹنڈنٹ امت کمار آنند نے منگل کو بتایا کہ ہسٹری شیٹر منا یادو کے خلاف چوری، ڈکیتی اور غنڈہ گردی سمیت 20 سے زیادہ مقدمات درج ہیں۔ مخبر سے اطلاع ملی کہ وہ پیر کو اپنے گھر آیا تھا۔ اس اطلاع پر چھبرامؤ اور وشن گڑھ تھانے کی پولیس ٹیم نے شام 4 بجے ان کے گھر کو گھیر لیا۔ پولیس جیسے ہی گھر کے قریب پہنچی بدمعاش نے چھت سے فائرنگ شروع کردی۔ ان کی فائرنگ میں کانسٹیبل سچن راٹھی کو پیر میں گولی لگی اور وہ زخمی ہوگیے۔ زخمی کانسٹیبل کو چھبرامؤ اسپتال میں داخل کروایا گیا۔ اس دوران انکاونٹر کے بعد ہسٹری شیٹر منا یادو کو پولیس نے اس کے بیٹے سمیت گرفتار کر لیا۔ منا یادو اور اس کے بیٹے کو ٹانگوں میں گولی لگی۔ ان دونوں کو بھی چھبرامؤ اسپتال میں داخل کروایا گیا ہے۔
کانسٹیبل سچن کو چھبرا مؤ اسپتال سے کانپور کے ریجنسی اسپتال منتقل کیا گیا، وہاں علاج کے دوران رات ایک بجے ان کی موت ہوگئی۔ پولیس سپرنٹنڈنٹ امت کمار آنند نے بتایا کہ اس معاملے میں ہسٹری شیٹر اور اس کے بیٹے سے دو پستول برآمد ہوئے ہیں جن سے وہ فائرنگ کر رہے تھے۔ ملزم کے گھر کی تلاشی کے دوران پولیس کو ڈبل بیرل بندوق بھی برآمد ہوئی۔
ہندوستھان سماچار
/شہزاد
