نئی دہلی، 6 نومبر (ہ س)۔ مضبوط گلوبل اشاروں کی حمایت سے گھریلو شیئر مارکیٹ میں آج تیزی کا ماحول ہے۔ آج کے کاروبار کی شروعات مضبوطی کے ساتھ ہوئی۔ درمیان میں کچھ وقت کے لیے منافع وصولی کی وجہ سے فروخت کا دباو قائم ہوا لیکن کچھ دیر بعد خریداروں نے اپنی خریداری تیز کر کے دوبارہ رفتار حاصل کر لی۔ کاروبار کے پہلے گھنٹے کے بعد، سینسیکس 0.65 فیصد اور نفٹی 0.70 فیصد تک کاروبار کر رہا تھا۔
کاروبار کے پہلے گھنٹے کے بعد شیئر مارکیٹ کے بڑے بڑے شیئروں میں سے آئشر موٹرز، گراسم انڈسٹریز، لارسن اینڈ ٹوبرو، کول انڈیا اور ایکسس بینک کے شیئرس 2.10 فیصد سے 1.59 فیصد کی مضبوطی کے ساتھ کاروبار کر رہے تھے۔ دوسری طرف اسٹیٹ بینک آف انڈیا میں 0.50 فیصد اور سیپلا میں 0.11 فیصد کی کمی دیکھی گئی۔
موجودہ کاروبار میں اسٹاک مارکیٹ میں 2,046 شیئروں میں ایکٹیو ٹریڈنگ ہو رہی تھی ۔ ان میں سے 1,585 شیئرز منافع کمانے کے بعد سبز رنگ میں کاروبار کرتے ہوئے جبکہ 461 شیئرز خسارے کے بعد سرخ رنگ میں کاروبار کرتے ہوئے نظر آرہے تھے ۔ اسی طرح سینسیکس میں شامل 30 شیئروں میں سے 28 شیئر خریداری کی حمایت کے ساتھ سبز رنگ میں رہے۔ دوسری جانب فروخت کے دباو کے باعث 2 شیئرس سرخ نشان پر کاروبار کر رہے تھے۔ جبکہ نفٹی میں شامل 50 شیئرس میں سے 46 شیئر سبز نشان میں اور 4شیئرس سرخ نشان میں تجارت کرتے ہوئے دیکھے گئے۔
بی ایس ای سینسیکس آج 471.45 پوائنٹس کے اضافے کے ساتھ 64,835.23 پوائنٹس پر کھلا۔ کاروبار کے آغاز کے کچھ ہی دیر بعد مارکیٹ میں فروخت کا دباو قائم ہوا جس کے باعث انڈیکس ابتدائی سطح سے 200 پوائنٹس گر کر 64624.79 پوائنٹس کی سطح پر پہنچ گیا۔ تاہم 10 بجے سے کچھ دیر قبل خریداروں نے خریداری کی کوششیں کی جس کی وجہ سے انڈیکس میں پھر اضافہ ہوا۔ کاروبار کے پہلے گھنٹے کے بعد سینسیکس 420.14 پوائنٹس کے اضافے کے ساتھ 64,783.92 پوائنٹس پرکاروبار کر رہا تھا۔
سینسیکس کی طرح این ایس ای کے نفٹی نے بھی آج 115.25 پوائنٹس کے اضافے کے ساتھ 19,345.85 پوائنٹس پر تجارت شروع کی۔ مارکیٹ کھلتے ہی یہ انڈیکس خریداری کے سہارے 19,371.65 پوائنٹس کی سطح پر آگیا لیکن اس کے بعد فروخت کے دباو کی وجہ سے یہ 19,309.70 پوائنٹس کی سطح پر چلا گیا۔ تاہم کچھ عرصے بعد ایک بار پھر خریداری کی حمایت ملنے سے اس انڈیکس کی نقل و حرکت میں بھی اضافہ ہوا۔ کاروبار کے پہلے گھنٹے کے بعد نفٹی 134.20 پوائنٹس کے اضافے کے ساتھ 19364.80 پوائنٹس پر کاروبار کر رہا تھا۔
مضبوط گلوبل رجحانات کے درمیان، گھریلو شیئر مارکیٹ نے بھی آج پری اوپننگ سیشن میں فائدہ کے ساتھ کاروبار شروع کیا۔ اس سیشن میں، بی ایس ای سینسیکس 380.98 پوائنٹس یعنی 0.55 فیصد کے اضافے کے ساتھ 64,744.76 پوائنٹس کی سطح پر تھا جبکہ پری اوپننگ سیشن میں، نفٹی 79.15 پوائنٹس یعنی 0.41 فیصد سے مضبوط ہوکر 19309.75 پوائنٹس کی سطح پر پہنچ گیا تھا۔
اس سے پہلے گزشتہ ہفتے کے آخری کاروباری دن جمعہ کو سینسیکس 282.88 پوائنٹس یعنی 0.44 فیصد کے اضافے کے ساتھ 64,363.78 پوائنٹس پر بند ہوا تھا۔ وہیں نفٹی نے 97.35 پوائنٹس یعنی 0.51 فیصد چھلانگ لگاکر جمعہ کی تجارت 19,230.60 پوائنٹس کی سطح پر ختم کی تھی۔
ہندوستھان سماچار
/شہزاد
