مارکیٹ میں تیزی کی وجہ سے سرمایہ کاروں کو 2.85 لاکھ کروڑ کا منافع ہوا
نئی دہلی، 15 جنوری (ہ س)۔
گھریلو اسٹاک مارکیٹ میں مضبوطی کے ریکارڈ بنانے کا سلسلہ آج کاروباری ہفتے کے پہلے روز بھی جاری رہا۔ آج سینسیکس پہلی بار 73 ہزار پوائنٹس سے اوپر کھلا اور اب تک کی بلند ترین سطح پر پہنچنے کے بعد اس نے آج کا کاروبار 73 ہزار پوائنٹس سے اوپر ختم کیا۔ اسی طرح نفٹی بھی پہلی بار 22 ہزار پوائنٹس سے اوپر کھلا اور اب تک کی بلند ترین سطح کا نیا ریکارڈ بنانے کے بعد 22 ہزار پوائنٹس سے اوپر بند ہوا۔ پورے دن کی تجارت کے بعد، سینسیکس 1.05 فیصد اور نفٹی 0.93 فیصد کے اضافے کے ساتھ بند ہوا۔
آج کے کاروبار کے دوران دھات کے علاوہ تمام سیکٹرل انڈیکس میں تیزی رہی۔ پبلک سیکٹر انٹرپرائز، آئی ٹی اور انفراسٹرکچر سیکٹرز کے شیئرز میں آج زبردست خرید و فروخت ہوئی۔ اسی طرح ایف ایم سی جی اور فارماسیوٹیکل انڈیکس بھی اضافے کے ساتھ بند ہوئے۔ وسیع بازار میں آج مسلسل خریدار رہی، جس کی وجہ سے بی ایس ای مڈ کیپ انڈیکس 0.67 فیصد اضافے کے ساتھ بند ہوا۔ اسی طرح، اسمال کیپ انڈیکس نے آج کا کاروبار 0.11 فیصد کے اضافے کے ساتھ ختم کیا۔
آج مارکیٹ کی مضبوطی کی وجہ سے اسٹاک مارکیٹ کے سرمایہ کاروں کی دولت میں ساڑھے تین لاکھ کروڑ روپے سے زیادہ کا اضافہ ہوا ہے۔ آج کی ٹریڈنگ کے بعد بی ایس ای لسٹڈ کمپنیوں کی مارکیٹ کیپٹلائزیشن بڑھ کر 376.14 لاکھ کروڑ روپے (عارضی) ہو گئی۔ جبکہ گزشتہ ہفتے کے آخری تجارتی دن یعنی جمعہ کو ان کا بازار سرمایہ 373.29 لاکھ کروڑ روپے تھا۔ اس طرح سرمایہ کاروں نے آج کی تجارت سے تقریباً 2.85 لاکھ کروڑ روپے کا منافع کمایا۔
آج، دن کے کاروبار کے دوران بی ایس ای میں 4,060 حصص میں فعال تجارت ہوئی۔ جن میں سے 2,102 حصص کے بھاو¿ اضافہ کے ساتھ بند ہوئے، 1,843 کے حصص کی قیمتوں میں کمی اور 115 کے حصص بغیر کسی حرکت کے بند ہوئے۔ این ایس ای میں آج 2,197 حصص میں فعال تجارت ہوئی۔ ان میں سے 1,114 حصص منافع کمانے کے بعد سبز رنگ میں بند ہوئے اور 1,083 حصص نقصان اٹھانے کے بعد سرخ رنگ میں بند ہوئے۔ اسی طرح سینسیکس میں شامل 30 حصص میں سے 22 حصص اضافے کے ساتھ بند ہوئے اور 8 حصص گراوٹ کے ساتھ بند ہوئے۔ جبکہ نفٹی میں شامل اسٹاکس میں سے 32 اسٹاکس سبز نشان میں اور 18 اسٹاک سرخ نشان میں بند ہوئے۔
ہندوستھان سماچار
