نئی دہلی، 05 فروری (ہ س)۔ آج گلوبل مارکیٹ سے ملے- جلے اشارے نظر آ رہے ہیں۔ گزشتہ سیشن کے دوران وال اسٹریٹ کے تینوں انڈیکس تیزی کے ساتھ بند ہوئے تھے۔ تاہم آج ڈاو جونز فیوچرز گراوٹ کے ساتھ کاروبار کرتا ہوا نظر آ رہا ہے۔ امریکی مارکیٹ کی طرح یورپی بازار بھی گزشتہ سیشن کے دوران زبردست کاروبار کرنے کے بعد آخری لمحات میں ہوئی فروخت کے باعث ملے-جلے نتائج کے ساتھ بند ہوئے ۔ ایشیائی بازاروں میں آج عام طور پر گراوٹ کے ساتھ کاروبار ہو رہا ہے ۔
ٹیک شیئروں میں اضافے کی وجہ سےگزشتہ سیشن کے دوران وال اسٹریٹ کے تینوں انڈیکس میں مضبوطی قائم رہی ۔ ڈاو جونز 135 پوائنٹس کے اضافے کے ساتھ بند ہوا۔ اسی طرح ایس اینڈ پی 500 انڈیکس نے 1.19 فیصد کے اضافے کے ساتھ 4,964.55 پوائنٹس پر گزشتہ سیشن کے کاروبار کا اختتامکیا۔ اس کے علاوہ نیس ڈیک 277.29 پوائنٹس یعنی 1.81 فیصد اضافے کے ساتھ 15,638.93 پوائنٹس کی سطح پر بند ہوا۔ تاہم ڈاو¿ جونز فیوچرز آج 0.22 فیصد کی کمزوری کے ساتھ 38,570.52 پوائنٹس کی سطح پر کاروبار کرتا ہوا دکھائی دے رہا ہے۔
یورپی بازار میں بھی گزشتہ سیشن کے بیشتر حصے میں تیزی قائم رہی۔ لیکن آخری لمحات ہوئی فروخت کے باعث ایک انڈیکس معمولی کمی کے ساتھ بند ہوا۔ ایف ٹی ایس ای انڈیکس 0.09 فیصد کی کمزوری کے ساتھ 7,615.54 پوائنٹس پر بند ہوا۔ دوسری جانب سی اے سی انڈیکس نے گزشتہ سیشن کی تجارت 0.05 فیصد اضافے کے ساتھ 7,592.26 پوائنٹس پر ختم کی۔ اس کے علاوہ ڈی اے ایکس انڈیکس 0.35 فیصد کی مضبوطی کے ساتھ 16,918.21 پوائنٹس کی سطح پر بند ہوا۔
ایشیائی بازاروں میں آج بالعموم دباو کی صورتحال ہے۔ ایشیا کے 9 بازاروں میں سے 2 کے انڈیکس تیزی کے ساتھ کاروبار کر رہے ہیں، جب کہ 7 انڈیکس کمی کے ساتھ سرخ رنگ میں ہیں۔ نکیئی انڈیکس 199.54 پوائنٹس یعنی 0.55 فیصد اضافے کے ساتھ 36,357.56 پوائنٹس کی سطح پر کاروبار کر رہا ہے۔ اسی طرح تائیوان ویٹڈ انڈیکس 0.16 فیصد اضافے کے ساتھ 18,087.97 پوائنٹس کی سطح پر پہنچ گیا ہے۔
دوسری طرفگفٹ نفٹی 0.14 فیصد کی کمی کے ساتھ 21,936.50 پوائنٹس پر کاروبار کر رہا ہے۔ اسی طرح ہینگ سینگ انڈیکس 0.05 فیصد گر کر 15,525.81 پوائنٹس کی سطح پر پہنچ گیا۔ اسٹریٹس ٹائمز انڈیکس میں آج بڑی گراوٹ آئی ہے۔ اس وقت یہ انڈیکس 1.66 فیصد کی کمزوری کے ساتھ 3,127.09 پوائنٹس کی سطح پر کاروبار کر رہا ہے، اسی طرح کوسپی انڈیکس بھی 1.14 فیصد گر کر 2,585.62 پوائنٹس پر آگیا ہے۔ اس کے علاوہ شنگھائی کمپوزٹ انڈیکس 1.85 فیصد کی بڑی کمی کے ساتھ 2,680.47 پوائنٹس کی سطح پر،سیٹ کمپوزٹ انڈیکس 0.03 فیصد کی کمزوری کے ساتھ 1,383.62 پوائنٹس کی سطح پر اور جکارتہ کمپوزٹ انڈیکس 0.25 فیصد ٹوٹ کر 7,220.74 پوائنٹس کی سطح پر کاروبار کر رہے ہیں۔
