اتار چڑھاؤ کے درمیان شیئر بازار میں فلیٹ کاروبار
نئی دہلی، 9 نومبر ۔ گھریلو شیئر بازار میں آج فلیٹ لیول پر کاروبار ہوتا نظر آرہا ہے۔ آج کی تجارت کا آغاز معمولی مضبوطی کے ساتھ ہوا لیکن کاروبار کے آغاز سے ہی بازار میں مسلسل اتار چڑھاؤ کا سلسلہ جاری ہے۔ کاروبار کے پہلے گھنٹے کے بعد، سینسیکس 0.04 فیصد کی مضبوطی کے ساتھ اور نفٹی 0.02 فیصد کی گراوٹ کے ساتھ کاروبار کرتے نظر آرہے تھے۔
کاروبار کے پہلے گھنٹے کے بعد حصص بازار کے بڑے شیئروں میں، مہندرا اینڈ مہندرا، ہیرو موٹو کارپ، ٹاٹا موٹرز، اپولو ہاسپٹلز اور انڈس انڈ بینک کے شیئرس 2.55 فیصد سے لیکر 0.86 فیصد کی مضبوطی کے ساتھ کاروبار کر رہے تھے۔ دوسری طرف ٹاٹا کنزیومر پروڈکٹس، ٹیک مہندرا، ریلائنس انڈسٹریز، جے ایس ڈبلیو اسٹیل اور ہنڈالکو انڈسٹریز کے شیئرس 1.39 فیصد سے لیکر 0.55 فیصد کی گراوٹ کے ساتھ تجارت ہوئے نظر آرہے تھے۔
ابھی تک کے کاروبار میں شیئر بازار میں 2,008 شیئروں میں ایکٹیو ٹریڈنگ ہورہی تھی۔ ان میں سے 1,084 شیئرس منافع کما کر سبز نشان میں جبکہ 924 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 حصص میں سے 16 شیئرس خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباؤ کے باعث 14 شیئر سرخ نشان میں کاروبار کر رہے تھے۔ جبکہ نفٹی میں شامل شیئروں میں سے 24 حصص سبز نشان میں اور 26 حصص سرخ نشان میں تجارت کرتے ہوئے نظر آرہے تھے۔
بی ایس ای کا سینسیکس آج 49.71 پوائنٹس کے اضافے کے ساتھ 65,025.32 پوائنٹس کی سطح پر کھلا۔ کاروبار کے آغاز سے ہی بازار میں مسلسل اتار چڑھاؤ کا سلسلہ جاری ہے۔ فروخت کے دباؤ میں یہ انڈیکس گر کر 64,872.40 پوائنٹس تک پہنچ گیا۔ حالانکہ اس کے بعد خریداری کی وجہ سے اس انڈیکس نے نچلی سطح سے ریکور بھی کیا۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 29 پوائنٹس کی مضبوطی کے ساتھ 64,004.61 پوائنٹس کی سطح پر کاروبار کر رہا تھا۔
سینسیکس کی طرح، این ایس ای کے نفٹی نے آج 13.90 پوائنٹس کے معمولی اضافے کے ساتھ 19,457.40 پوائنٹس پر تجارت شروع کی۔ بازار کھلنے کے بعد سے ہی خریداروں اور بیچنے والوں کی ایک دوسرے پر حاوی ہونے کی کوششوں کی وجہ سے اس انڈیکس کی نقل و حرکت میں مسلسل اتار چڑھاؤ ہوتارہا ہے۔ فروخت کے دباؤ میں، یہ انڈیکس 40 پوائنٹس سے زیادہ گر کر 19,402.70 پوائنٹس تک پہنچ گیا۔ حالانکہ اس کے بعد خریداری کی حمایت ملنے کے بعد یہ انڈیکس بھی نچلی سطح سے بحال ہوا۔ بازار میں لگاتار خرید و فروخت کے درمیان ابتدائی 1 گھنٹے کی تجارت کے بعد صبح 10:15 بجے نفٹی 3.70 پوائنٹس کی کمزوری کے ساتھ 19,439.80 پوائنٹس کی سطح پر کاروبار کر رہا تھا۔
