۔ 15 دنوں کے اندر ادائیگی نہ کرنے پر ہو سکتی ہے گرفتاری
نئی دہلی، 28 نومبر (ہ س)۔ مارکیٹ کنٹرولر سیکورٹیز اینڈ ایکسچینج بورڈ آف انڈیا (سیبی) نے گلوبل ڈپازٹری رسیپٹ (جی ڈی آر ) جاری کرنے میں ہیرا پھیری کے معاملے میں ارون پنچاریہ کو 26.25 کروڑ روپے کا ڈیمانڈ نوٹس بھیجا ہے۔ اپنے نوٹس میں سیبی نے ارون پنچاریہ کو 15 دنوں کے اندر ادائیگی کرنے کی ہدایت دی ہے اور ادائیگی نہ کرنے پر گرفتاری اورمنقولہ اور غیر منقولہ جائیداد کوقرق کرنے کابھی انتباہ دیا ہے۔
اس سال جولائی کے مہینے میں ہی سیبی نے ہیرن آرگوکیم کی گلوبل ڈپازٹری رسید جاری کرنے میں ہیرا پھیری کے الزام میں پنچاریہ پر 25 کروڑ روپے اور مکیش چورڑیا پر 20 لاکھ روپے کا جرمانہ عائد کیا تھا، لیکن ارون پنچاریا یہ جرمانہ ادا کرنے میں ناکام رہے ۔ اس کے بعد اب سیبی نے ارون پنچاریہ کو 15 دنوں کے اندر 26.25 کروڑ روپے جمع کرانے کا حکم دیا ہے۔
بامبے اسٹاک ایکسچینج میں درج ہیرن آرگوکیم نے مئی 2010 میں ایک کروڑ ڈالر مالیت کی 15.38 لاکھ گلوبل ڈپازٹری رسیدیں جاری کیں، جن کی قیمت کمپنی کے 4.61 کروڑ شیئرز سے طے کی گئی تھی۔ مطلب، مئی 2010 میں4.61 کروڑ انڈر لائن ایکویٹی شیئر کے بدلے ایک کروڑ ڈالر کے 15.38لاکھ گلوبل ڈپازٹری رسیدیں جاری کی گئیں ۔ اس معاملے میں گھوٹالے کے الزامات عائد ہونے کے بعد سیبی نے اس کی جانچ کی۔ تحقیقات سے پتہ چلا کہ ارون پنچاریہ گلوبل ڈپازٹری رسید جاری کرنے کے ہر مرحلے میں کلیدی کردار ادا کر رہا تھا۔
تحقیقات میں یہ بات بھی سامنے آئی کہ اس معاملے میں قرض لے کر دھوکہ دہی سے گلوبل ڈپازٹ کی رسید حاصل کی گئی۔ اس کے بعد، گلوبل ڈپازٹ کی رسید کو شیئرس میں تبدیل کر قرض کی ادائیگی کے بغیر فروخت کر دیا گیا۔ مکیش چوراڑیا بھی اس پورے معاملے میں فریق بنے ہوئے تھے۔ اس لیے سیبی نے ان پر 20 لاکھ روپے کا جرمانہ بھی عائد کیا تھا۔ سیبی کا الزام ہے کہ ارون پنچاریا اور مکیش چوراڑیا نے پروہبیشن آف فراڈولنٹ اینڈ ان فیئر ٹریڈ پریکٹس رولز (پی ایف یو ٹی پی ) کی ممانعت میں دی گئی دفعات کی خلاف ورزی کی ہے۔
ہندوستھان سماچار
