آل ٹائم ہائی اوپننگ کا ریکارڈ بنانے کے بعد گرا شیئر بازار
نئی دہلی، 19 دسمبر (ہ س)۔ گھریلو شیئر بازار میں آج مسلسل دوسرے دن دباو کی صورت حال بنی ہوئی ہے۔ حالانکہ آج کے کاروبار کی شروعات آل ٹائم ہائی اوپننگ کے نئے ریکارڈ کے ساتھ ہوئی، لیکن بازار کھلنے کے کچھ دیر بعد ہی فروخت کے دباو کے باعث حصص بازار کے دونوں انڈیکس مسلسل گرتے چلے گئے۔ کاروبار کے پہلے ساٹھ منٹ کے بعد سینسیکس 0.26 فیصد اور نفٹی 0.31 فیصد کی کمزوری کے ساتھ کاروبار کر رہے تھے۔
شروعاتی ایک گھنٹے کا کاروبار ہونے کے بعد شیئر بازار کے بڑے شیئروں میں ٹاٹا کنزیومر پروڈکٹس، نیسلے، کول انڈیا، اپولو ہاسپٹلس اور آئی ٹی سی کے حصص 2.63 فیصد سے لیکر 0.71 فیصد کی مضبوطی کے ساتھ کاروبار کر رہے تھے۔ دوسری طرف وپرو، ٹی سی ایس، ٹیک مہندرا، ایل ٹی مائنڈ ٹری اور بجاج فنسرو کے شیئروں 1.68 فیصد سے لیکر 1.33 فیصد کی گراوٹ کے ساتھ کاروبار کرتے ہوئے نظر آرہے تھے۔
ابھی تک کے کاروبار میں شیئر بازار میں 2,026 حصص میں ایکٹیو ٹریڈنگ ہورہی تھی۔ ان میں سے 865 شیئروں منافع کمانے کر سبز نشان میں جبکہ 1,161 شیئرس خسارے کے بعد سرخ نشان میں کاروبار کر رہے تھے۔ اسی طرح سینسیکس میں شامل 30 حصص میں سے 8 حصص خریداری کی حمایت کے ساتھ سبز نشان میں بنے ہوئے تھے۔ دوسری جانب فروخت کے دباو کے باعث 22 حصص سرخ نشان میں کاروبارکر رہے تھے۔ جبکہ نفٹی میں شامل شیئروں میں سے 13 شیئر سبز نشان میں اور 37 شیئر سرخ نشان میں کاروبار کرتے ہوئے نظر آرہے تھے۔
بی ایس ای کا سینسیکس آج آل ٹائم ہائی کا نیا ریکارڈ بناتے ہوئے 164.19 پوائنٹس کے اضافے کے ساتھ 71,479.28 پوائنٹس پر کھلا۔ کاروبار کے پہلے 10 منٹ کے بعد بازار میں فروخت کا دباو بن گیا جس کی وجہ سے انڈیکس مسلسل گرتا چلا گیا۔ حالانکہ خریداروں نے خرید کر بازار کو سہارا دینے کی کوشش کی لیکن اس کے باوجود فروخت کا دباو اتنا زیادہ تھا کہ اس انڈیکس کی حرکت میں بہتری نہیں آ سکی۔ بازار میں مسلسل خرید و فروخت کے درمیان کاروبار کے پہلے گھنٹے کے بعد صبح 10:15 بجے سینسیکس 186.14 پوائنٹس کی کمزوری کے ساتھ 71,128.95 پوائنٹس کی سطح پر کاروبار کر رہا تھا۔
سینسیکس کی طرح این ایس ای کے نفٹی نے بھی آج ایک بار پھر آل ٹائم ہائی کا نیا ریکارڈ بناتے ہوئے 59 پوائنٹس کے اضافے کے ساتھ 21,477.65 پوائنٹس پر کاروبار کی شروعات کی۔ شروعاتی کاروبار میں ہی فروخت کے دباو کی وجہ سے یہ انڈیکس بھی تھوڑی ہی دیر میں سرخ نشان پر چلا گیا۔ بازار میں لگاتار خرید و فروخت کے درمیان پہلے گھنٹے کی تجارت کے بعد صبح 10:15 بجے نفٹی 66.75 پوائنٹس کی کمزوری کے ساتھ 21,351.90 پوائنٹس کی سطح پر کاروبار کر رہا تھا۔
ہندوستھان سماچار
/شہزاد
