نئی دہلی، 03 ستمبر (ہ س)۔
پبلک سیکٹر کمپنی میگنیز اور(انڈیا) لمیٹیڈ(مائل) نے اگست میں اب تک کی سب سے زیادہ پیداوار 1.45 لاکھ ٹن کی ہے، جو پچھلے مالی سال کی اسی مدت کے مقابلے میں 17 فیصد زیادہ ہے۔ کمپنی نے اگست میں 1.13 لاکھ ٹن فروخت کیا ہے جو کہ سالانہ بنیادوں پر 25.6 فیصد کا نمایاں اضافہ ہے۔
اسٹیل کی وزارت نے بدھ کو جاری کردہ ایک بیان میں کہا کہ اپریل-اگست 2025 کے دوران، مائل نے 7.92 لاکھ ٹن کی پیداوار کے ساتھ اپنی بہترین کارکردگی ریکارڈ کی، جو کہ سالانہ بنیادوں پر 9.3 فیصد کا اضافہ ہے۔ اس کے علاوہ 50,621 میٹر کی ایکسپلوریٹری ڈرلنگ نے سالانہ بنیادوں پر 8.6 فیصد کے اضافے کے ساتھ اپنی بہترین کارکردگی کا مظاہرہ کیا ہے۔
مائل کے سی ایم ڈی اجیت کمار سکسینہ نے اگست کے مہینے میں اس ریکارڈ کارکردگی کے لیے ٹیم کو مبارکباد دی اور مشکل موسمی حالات میں بھی پیداوار اور فروخت میں اضافہ حاصل کرنے کے لیے ان کی انتھک کوششوں کو سراہا۔
پیداوار کے اعداد و شمار کے اعلان کے بعد،مائل کے حصص میں 8.4 فیصد اضافہ ہوا اور بی ایس ای پر 374.1 روپے فی حصص کی بلند ترین سطح پر پہنچ گئے۔ کمپنی کی مارکیٹ کیپٹلائزیشن 7,359.04 کروڑ روپے رہی۔
ہندوستھان سماچار
ہندوستان سماچار / عطاءاللہ
