سوپور میں چنار کا درخت گرنے سے سیب کا باغ تباہ

سوپور میں چنار کا درخت گرنے سے سیب کا باغ تباہ

سرینگر، 12 جولائی (ہ س)۔ ضلع بارہمولہ کے سوپور علاقے کے گورى پورہ میں ایک افسوسناک واقعہ پیش آیا جب تیز ہواؤں کے باعث ایک قدآور چنار کا درخت گر کر محمد افضل کے سیبوں کے باغ پر جا گرا، جس کے نتیجے میں تقریباً 15 لاکھ روپے کا بھاری مالی نقصان ہوا۔

حادثے میں ایک کنال پر مشتمل باغ شدید متاثر ہوا، جہاں قریب 300 سیب کی کریٹیں تباہ ہو گئیں۔ گرنے والا درخت نہ صرف سیب کی فصل کو کچل گیا بلکہ متاثرہ خاندان کو روزگار سے بھی محروم کر دیا۔

محمد افضل کے اہل خانہ نے ضلعی انتظامیہ سے فوری امداد اور معقول معاوضے کی اپیل کی ہے تاکہ انہیں اس نقصان سے نکلنے میں مدد مل سکے۔ متاثرہ خاندان نے حکام سے مطالبہ کیا ہے کہ وہ جائے وقوعہ کا فوری جائزہ لے کر مالی معاونت فراہم کریں۔ اس سلسلے میں ایڈیشنل ڈپٹی کمشنر (اے ڈی سی) سوپور، ایس اے رینہ نے یقین دہانی کرائی ہے کہ ایک ٹیم جلد متاثرہ مقام کا دورہ کرے گی تاکہ نقصان کا جائزہ لے کر فوری ریلیف فراہم کیا جا سکے۔

ہندوستھان سماچار

—————

ہندوستان سماچار / محمد اصغر