باندہ ہاسٹل کی ٹیم رنر اپ بنی،فلائٹ لیفٹیننٹ کی یاد میں اوپن والی بال ٹورنامنٹ
پریاگ راج، 11 فروری ۔
وجے لکشمی پنڈت انٹر کالج پھولپور میں ٹاو¿ن اسپورٹس کلب کے زیر اہتمامفلائٹ لیفٹیننٹ ایس ایس احمد اور عزیز احمد کی یاد میں ڈے نائٹ ایک اوپن والی بال ٹورنامنٹ کا انعقاد کیا گیا۔ جس کے فائنل میچ میں پولیس لائن کلب پریاگ راج نے باندہ ہاسٹل کو شکست دے کر ٹرافی پر قبضہ کیا۔
ایمبیشن کلب ریزرو پولیس لائن پریاگ راج اورباندہ ہاسٹل کے درمیان کھیلا گیا۔ جس میں ایمبیشن کلب ریزرو پولیس لائن پریاگ راج نے فلائٹ لیفٹیننٹ ایس ایس احمد اور عزیز احمد کی والی بال کی ٹرافی باندہ ہاسٹل ٹیم کو 25-19، 16-25 اور 29-27 پوائنٹس سے ہرا کر جیتی۔
مقابلے میں کل 25 ٹیموں نے حصہ لیا۔ اس سے قبل کھیلے گئے مقابلے کے پہلے سیمی فائنل میچ میں باندہ ہاسٹل نے سائی سلطان پور کی ٹیم کو 25-20، 23-25 اور 25-19 سے شکست دے کر فائنل میں داخلہ حاصل کیا تھا۔ دوسرے سیمی فائنل میچ میں ایمبیشن کلب ریزرو پولیس لائن پریاگ راج نے نویووک سنگھ، جگت پور کی ٹیم کو 25-14 اور 25-17 سے شکست دے کر فائنل میں داخلہ حاصل کیا۔
اختتامی اور تقسیم انعامات کی تقریب کے مہمان خصوصی سینئر سماجی کارکن محمد الیاس نے فاتح ٹیم کے کھلاڑیوں کو ٹرافی اور نقد رقم 11 ہزار روپے اور رنر اپ ٹیم کے کھلاڑیوں کو ٹرافی اور 7 ہزار روپے کی نقد رقم دی۔ مہمان خصوصی نے ضلع والی بال ایسوسی ایشن کے جنرل سکریٹری آر پی شکلا، پریاگ راج، ٹاو¿ن اسپورٹس کلب پھولپور کے صدر اور سابق بین الاقوامی والی بال کوچ بی ایل یادو، صدر پربھات رائے اور ریلوے کے سابق سینئر کھلاڑی ایم یونس کو شال اوڑھا کر نوازا۔
ٹاو¿ن اسپورٹس کلب پھولپور کے صدر اور سابق بین الاقوامی والی بال کوچ بی ایل یادو نے کرن (ایس اے آئی سلطان پور) کو بہترین سیٹر، اجول (پولیس لائن) کو بہترین بلاکر، شبد (سائی سلطان پور) کو بہترین لیبرو اور وویک (باندہ ہاسٹل) کو بہترین اٹیکر کے ایوارڈ سے نوازا گیا۔ آرگنائزنگ سیکرٹری عبدالاحد نے مہمان خصوصی کو یادگاری تحفہ پیش کیا اور مقابلے میں شرکت کرنے والے تمام مہمانوں، کھلاڑیوں، ججز اور افراد کا شکریہ ادا کیا۔
