بکسرمیں دوہرا قتل، گھر میں گھس کر ماں۔بیٹی کا گلا دبا کرکیا قتل
بکسر، 18 نومبر(ہ س)۔ بہار کے بکسر کے انڈسٹریل تھانہ علاقے کے بالاپور گاوں میں دل دہلا دینے والا واقعہ سامنے آیا ہے جہاں رات کے اندھیرے میں بدمعاشوں نے گھر میں گھس کر ایک خاتون اور اس کی پانچ سالہ معصوم بیٹی کاقتل کر دیا۔ دونوں کا تیز دھار اسلحہ سے گلا ریت کر قتل کیا گیا۔ واقعہ کی اطلاع ملتے ہی ایس پی منیش کمار اور صدر ایس ڈی پی او دھیرج کمار اپنی ٹیم کے ساتھ موقع پر پہنچے اور معاملے کی جانچ شروع کردی۔
معلومات کے مطابق بالاپور گاؤں کی رہنے والی 35 سالہ انیتا دیوی اور اس کی پانچ سالہ بیٹی پورے خاندان کے ساتھ اپنے گھر میں سو رہی تھی۔ گھر کے تمام افراد کے کمرے ایک دوسرے سے سٹے ہوئے تھے اور تمام کمروں کے دروازے کھلے تھے۔ رات ایک بجے کے قریب جب اہل خانہ کے کسی ایک فرد کی نیند ٹوٹی تو گھر کی چہار دیوا ری کو چھلانگ کرکسی شخص کو بھاگتے ہوئے دیکھا۔ وہ کسی سے کچھ کہے بغیر سو گیا۔ صبح جب گھر والے خاتون کے کمرے میں گئے تو یہ دیکھ کر حیران رہ گئے کہ خاتون اور اس کی پانچ سالہ بیٹی کی لاش خون میں لت پت تھیں۔
معاملے کی معلومات دیتے ہوئے ایس پی منیش کمار نے بتایا کہ خاتون کو قتل کی نیت سے مارا گیا ہے۔ دیکھنے سے ایسالگتا ہے۔ ورنہ اتنے چھوٹے بچے کو قتل نہ کیا جاتا۔ پولیس نے موقع سے ایک چپل بھی برآمد کی ہے۔ حیران کن بات یہ ہے کہ گھر سے بھاگنے والے شخص کو دیکھ کر بھی گھر والوں نے کوئی شور کیوں نہیں کیا۔ پولیس تمام نکات کی تفتیش کر رہی ہے۔
واقعے کی تحقیقات کے لیے ڈاگ اسکواڈ اور ایف ایس ایل ٹیم کو بھی طلب کر لیا گیا ہے۔ قابل ذکر ہے کہ چھٹھ پوجا کے دوران پیش آنے والے اس واقعہ نے پولیس کی نیندیں اڑا دی ہیں۔ اگر سرکاری ذرائع کی مانیں تو پولیس جلد ہی اس معاملے کا انکشاف کرے گی۔ فی الحال قتل کی اصل وجہ معلوم نہیں ہو سکی ہے۔
ہندوستھان سماچار/ افضل
/شہزاد
