بنگلورو، 4 نومبر (ہ س)۔
نیوزی لینڈ کے آل راونڈر رچن رویندر نے بھارت میں ہونے والے آئی سی سی کرکٹ ورلڈ کپ میں اپنی شاندار فارم کو جاری رکھتے ہوئے ٹورنامنٹ کی اپنی تیسری سنچری اسکور کرتے ہوئے ورلڈ کپ میں سب سے زیادہ سنچریاں بنانے والے کیوی بلے باز بن گئے۔
رویندر نے یہ ریکارڈ پاکستان کے خلاف بنگلورو میں کھیلے گئے ورلڈ کپ میچ میں بنایا تھا۔
رویندرا نے 94 گیندوں میں 15 چوکوں اور ایک چھکے کی مدد سے 108 رنز بنائے۔ ان کے رنز 114 سے زیادہ کے اسٹرائیک ریٹ پر آئے۔
اس کے ساتھ ہی رچن نے اس ورلڈ کپ میں ہی تین سنچریاں اسکور کی ہیں اور سب سے زیادہ سنچریاں بنانے کے معاملے میں وہ گلین ٹرنر (1975، دو سنچریاں)، کین ولیمسن (2019، دو سنچریاں) اور مارٹن گپٹل (2015) سے آگے ہیں۔
رچن کی تین سنچریاں ورلڈ کپ کی تاریخ میں نیوزی لینڈ کے کسی بھی بلے باز کی سب سے زیادہ سنچریاں ہیں۔ ان کی تیسری سنچری بھی اپنے پہلے ورلڈ کپ میں کسی بلے باز کی سب سے بڑی سنچری ہے۔
رچن نے اپنے ایک آئیڈیل، ہندوستانی لیجنڈ سچن تیندولکر کو پیچھے چھوڑ دیا ہے، کیونکہ اب ان کے نام 25 سال کی عمر سے پہلے ورلڈ کپ میں تین سنچریاں ہیں۔ 25 سال کے ہونے سے پہلے سچن نے ورلڈ کپ میں دو سنچریاں اسکور کی تھیں۔
رچن نے 25 سال کی عمر سے پہلے ورلڈ کپ ایڈیشن میں سب سے زیادہ رنز بنانے میں تیندولکر کی برابری بھی کر لی ہے۔
رچن نے اب تک آٹھ میچوں میں 74.71 کی اوسط اور 107 سے زیادہ کے اسٹرائیک ریٹ سے 523 رنز بنائے ہیں جس میں تین سنچریاں اور دو نصف سنچریاں شامل ہیں۔ اس کا بہترین اسکور 123* ہے۔ وہ جنوبی افریقہ کے کوئنٹن ڈی کاک (545 رنز) کے بعد ٹورنامنٹ میں سب سے زیادہ رنز بنانے والے دوسرے کھلاڑی ہیں۔
سچن نے 25 سال مکمل کرنے سے قبل 1996 کے ورلڈ کپ میں بھی 523 رنز بنائے تھے۔ گروپ مرحلے کے ایک اور میچ اور ممکنہ طور پر کم از کم ایک ناک آو¿ٹ میچ باقی رہنے کے ساتھ، راچن کے پاس سچن کو پیچھے چھوڑنے کا موقع ہے۔
ہندوستھان سماچار
