मुम्बई, 24 अक्टोबर। नासिक जिल्लाको गिरना नदीकोल किनारबाट मुम्बई पुलिसको टीमले 50 लकिलोग्राम एमडी ड्रग जफ्त गरेको छ। अन्तरराष्ट्रिय बजारमा उक्त ड्रगको मूल्य 100 करोड़ रुपियाँ रहेको अनुमान लगाइएको छ। नदी तट औ नदीको किनारमा अवस्थित गाउँमा मुम्बई पुलिसको ड्रग सर्च अभियान जारी छ। यस छापामारीको सम्बन्धमा पुलिसद्वारा अहिलेसम्म कुनै आधिकारिक जानकारी गराइएको छैन।
ड्रग तस्कर ललित पाटिलका ड्राइभर सचिव वाघले उक्त ड्रगलाई गिरना नदीमा फालिदिएका थिए। यसको जानकारी हात लाग्नसाथ मुम्बई पुलिसको टीमले गए सोमवार अबेररातीदेखि नै नदीमा ड्रग खोज्न शुरू गरेको थियो। मंगलवार भोर बिहान पुलिसले नदीको 15 फुट गहिराईबाट ड्रगले भरिएको दुईवटा पोको फेला पाऱ्यो। दुवै पोकोमा 50 किलोग्राम एमडी ड्रग थियो। त्यसपछिपुलिस टीमले नासिकको ग्रामीण क्षेत्रमा विशेष गिरना नदीको तटीय क्षेत्रका गाउँहरूमा सर्च अभियान संचालन गऱ्यो।
उल्लेखनीय छ ड्रग तस्कर ललित पाटिल पुणेको ससुन अस्पतालबाट गत 2 अक्टोबरमा भागेको थियो। त्यसपछि यो ड्रग मामिला प्रकाशमा आएको थियो र मुम्बईको साकिनाका पुलिसले ललित पाटिलको भाइ भूषण पाटिलको नाममा संचालित नासिकको शिन्दे गाउँस्थित ड्रग बनाउने कम्पनीमा छापा मारेको थियो। उक्त छापामारीमा पुलिसले 150 किलोग्राम एमडी ड्रग जफ्त गरेको थियो ज सको मूल्य अन्तरराष्ट्रिय बजारमा 300 करोड़ रुपियाँ रहेको अनुमान लगाइएको छ। त्यसपछि पुलिसले उत्तर प्रदेशबाट भूषण पाटिललाई पक्राउ गरेको थियो। यस मामिलामा मुम्बई पुलिसले भागेका ड्रग तस्कर ललित पाटिललाई चेन्नईको एक होटलबाट पक्राउ गरेको थियो।
