मुम्बई, 23 फरवरी: महाराष्ट्रका पूर्व मुख्यमन्त्री एवं पूर्व लोकसभा अध्यक्ष मनोहर जोशीको आज (शुक्रवार) बिहान यहॉंको पीडी हिन्दुजा अस्पतालमा निधन भएको छ। उनले 86 वर्षको उमेरमा अन्तिम सास लिए। परिवारले उनीलाई ह्रदयघातका कारण अस्पतालमा भर्ती गरिएको थियो भनी जानकारी गराएको छ।
पीडी हिन्दुजा अस्पतालले बिहिवार बयान जारी गरेर जोशी गम्भीर रूपमा बिरामी रहेको बताएको थियो। उनलाई आईसीयूमा राखिएको थियो। शिवसेनाका दिग्गज नेता जोशीलाई गत साल मईमा पनि ब्रेन हेमरेजपछि यसै अस्पतालमा भर्ती गरिएको थियो।
जोशी 1995 देखि 1999 सम्म राज्यका मुख्यमन्त्री रहेका थिए। उनी अविभाजित शिवसेनाबाट राज्यमा शीर्ष पदमा आसीन हुने पहिलो नेता हुन्। उनी संसद सदस्यको रूपमा पनि चुनिए र 2002 देखि 2004 सम्म लोकसभा अध्यक्ष रहे।
