नयाँ दिल्ली, 20 अक्टोबर। क्यानडाले राजनयिक विवादबीच भारतमा बस्दै आइरहेका क्यानडाका नागरिकहरूको लागि परामर्श जारी गरेको छ। परामर्शमा भनिएको छ, भारतमा क्यानडा विरोधी प्रदर्शन हुनसक्छ साथै क्यानडाका नागरिकहरू धम्की वा उत्पीड़नको शिकार हुनसक्छ। यस अतिरिक्त बेङ्गलुरू, चण्डीगढ़ र मुम्बईस्थित क्यानडाको महावाणिज्य दूतावासको संचालनलाई अस्थायी रूपमा बन्द गरिएको छ।
क्यानडाले उक्त आशयको आधिकारिक घोषणा गर्दै भारतमा आफ्ना राजयनिकहरूको संख्यामा कटौती गरेको छ। क्यानडाद्वारा आफ्ना नागरिकहरूको लागि जारी परामर्शमा भनिएको छ, क्यानडा र भारतमा हालैका घटनाक्रमहरूलाई लिएर पारम्परिक एवं मीडियामा क्यानडाप्रति विरोध सहित केही नकारात्मक भावना सृजित भएको छ। क्यानडा विरोधी प्रदर्शन हुनसक्छ र क्यानडाका मानिसहरू धम्की वा उत्पीड़नको शिकार हुनसक्छ। दिल्ली एवं राष्ट्रिय राजधानी क्षेत्रमा अपरिचितहरूसित त्यति सम्बन्ध राख्नु हुँदैन साथै आफ्नो व्यक्तिगत जानकारीहरू उनीहरूसित साझा गर्नु हुँदैन।
सार्वजनिक परिवहन सहित भीड़ भएको ठाउँमा सतर्कता अप्नाउनुपर्छ। तपाईहरूले सदैव कसैको साथमा यात्रा गर्नुपर्छ र आफ्नो यात्रा योजनाहरूको बारेमा कुनै मित्र वा परिवारका सदस्यहरूलाई सूचित गर्नुपर्छ। यसमा भनिएको छ, बेङ्गलुरू, चण्डीगढ़, मुम्बई र यस वरपर व्यक्तिगत रूपले काउन्सलर सेवाहरू अस्थायी रूपमा अनुपलब्ध छ। नयाँ दिल्लीमा क्यानडाको उच्चायोगमा व्यक्तिगत सेवाहरू उपलब्ध रहनेछ। बेङ्गलुरू, चण्डीगढ़, मुण्बई तथा यस वरपरका क्षेत्रहरूमा अत्यधिक सतर्कता अप्नाइयोस्। यस अतिरिक्त कुनै पनि समय ओटावाको आपतकालीन निगरानी एवं प्रतिक्रिया केन्द्रसित सम्पर्क गर्न सकिन्छ।
उल्लेखनीय छ, क्यानडाका प्रधानमन्त्री जस्टिन ट्रुडोले भारतको विदेश गुप्तचर विभाग रमाथि क्यानडामा बस्दै आइरहेका खालिस्तानी आतंकवादी हरदीप सिंह निज्जरको हत्याको आरोप लगाउने प्रयास गरेको थियो। यसमाथि भारतले कड़ा नीति अप्नाउँदै यसलाई अर्थहीन र दुर्भाग्यपूर्ण बताएको थियो। भारतको भनि छ, घरेलू राजनीतिको कारणले क्यानडाको सरकारले खालिस्तानीहरूलाई समर्थन गरिरहेको छ जसले खुल्ला रूपमा भारतीय राजनयिक एवं मिशनहरूमा प्रहार गर्ने धम्की दिँदै आएको छ।
