नयाँ दिल्ली, । केन्द्रिय मन्त्रीमण्डलले बुधवार 8,399 करोड़ रूपियाँको परियोजनामा दिल्ली मेट्रो चरण-4 परियोजनाहरूको दुई कोरीडोर अर्थात लाजपत नगरबाट साकेत जी-ब्लक र इन्द्रलोकबाट इन्द्रप्रस्थलाई अनुमति दियो।
प्रधानमन्त्री नरेन्द्र मोदीको अध्यक्षतामा भएको केन्द्रिय मन्त्रीमण्डलको बैठकमा लिइएको फसेलाको जानकारी दिँदै केन्द्रिय मन्त्री अनुराग ठाकुरले भने, लाजपत नगरबाट साकेत जी-ब्लकको मेट्रो पूर्ण रूपमा जमीनमाथि पुलमा हुनेछ र यसमा 8.3 किमीको लाइनमा 8 स्टेशन रहनेछऩ्। इन्द्रलोकदेखि इन्द्रप्रस्थ 12.37 किमीको लाइनमा 10 वटा स्टेशन रहनेछन्। यसमा लगभग 11 किमी जमीनमुनि र 1 किमी जमीनमाथि चल्नेछ।
लाजपत नगरबाट साकेत जी-ब्लक मेट्रो लाइन सिलवर, मजेन्टा र वायलट लाइनहरूलाई जोड्नेछ। यसमा लाजपत नगर, एन्ड्रयूज गंज, ग्रेटर कैलाश – 1, चिराग दिल्ली, पुष्प भवन, साकेत जिल्ला केन्द्र, पुष्प विहार, साकेत जी – ब्लक स्टेशन रहनेछन्।
इन्द्रलोकबाट इन्द्रप्रस्थ लाइनमा रेड लाइन, येलो लाइन, एयरपोर्ट लाइन, मजेन्टा, वायलट र ब्लू लाइनमा बद्लिने सुविधा रहनेछ। यसमा इन्द्रलोक, दया बस्ती, सराय रोहिल्ला, अजमल खान पार्क, नबी करीम, नयाँ दिल्ली, एलएनजेपी अस्पताल, दिल्ली गेट, दिल्ली सचिवालय, इन्द्रप्रस्थ स्टेशन रहनेछन्।
