कोलकाता, 13 दिसम्बर (हि.स.)। भारतको तीन दिवसीय दौड़ाहमा शुक्रवार अबेर राति कोलकाता पुगेका अर्जेन्टीनाका विख्यात फुटबलर लियोनेल मेसीको जोडदार स्वागत गरियो। अबेर राति कोलकाता हवाई अड्डामा भारा संख्यामा उपस्थित प्रशंसकहरूले उनको सौहार्दपूर्ण अभिनन्दन गरे।
विख्यात फुटलबर लियोनेल मेसीको शनिवार धेरै नै व्यस्त कार्यक्रम छ। आज बिहान 9.30 बजीदेखि 10.30 बजीसम्म हावड़ा ब्रिजमा प्रशंसकहरू र खेलप्रेमीहरूको साथ मेसीलाई लिएर विशेष कार्यक्रम आयोजित गरिएको छ। यसपछि उनी युवा भारतीय क्रीड़ांगन (सल्टलेक स्टेडियम) जानेछन्, जहाँ सांस्कृतिक कार्यक्रमहरूको साथ नृत्य र संगीतको प्रस्तुतिहरू हुनेछ। यस अवसरमा विशेष आकर्षणको रूपमा ‘मेसी अल स्टार बनाम डायमन्ड हार्बर अल स्टार’ फुटबल म्याचको आयोजना गरिनेछ।
बिहान लगभग 10.30 बजीतिर मेसी स्टेडियममा आइपुग्ने अपेक्षा गरिएको छ। कार्यक्रमको क्रममा उनले विभिन्न क्षेत्रका मानिसहरूसँग भेट गर्नेछन्, बंगालको ट्रफी विजेता टोलीलाई सम्मानित गर्नेछन् र युवा खेलाड़ीहरूसँगको विशेष मास्टर क्लास सत्रमा भाग लिनेछन्। उनलाई राजकीय सम्मान पनि प्रदान गर्ने योजना छ।
कार्यक्रमसित सम्बन्धित श्रोतहरू अनुसार, अन्तरराष्ट्रिय फुटबल स्टार लुइस सुआरेज र रोड्रिगो डे पल पनि उपस्थित हुने सम्भावना छ। यसका साथै मेस्सीले मुख्यमन्त्री ममता ब्यानर्जी र पूर्व भारतीय क्रिकेट कप्तान सौरभ गांगुलीलाई भेट्ने कार्यक्रम छ।
कोलकाताको कार्यक्रमहरूपछि उनी चार राज्यको दौड़ाहमा निस्कनेछन्। यसमा हैदराबाद, मुम्बई र दिल्लीमा फुटबलसँग सम्बन्धित कार्यक्रमहरू, युवा संवाद र सम्मान समारोहहरूको श्रृंखला समावेश हुनेछ। खेलप्रेमीहरूले यी शहरहरूमा उनको स्वागतको लागि ठूलो उत्साह पनि देखाइरहेका छन्।
कार्यक्रम अन्तर्गत नेताजी सुभाषचन्द्र बोसको 70 फिट अग्लो प्रतिमाको अनावरण, स्टेडियम परिक्रमा र दिउँसो 2.05 बजी निजी विमानमा डायमंड हार्बरको लागि प्रस्थान हुने उल्लेख गरिएको छ।
आयोजकहरूको भनाई छ, यो कार्यक्रम लियोनेल मेस्सीलाई केवल सम्मान नगरेर भारतको फुटबल संस्कृतिलाई विश्वव्यापी मञ्चमा बलियो रूपमा प्रस्तुत गर्ने ऐतिहासिक अवसर पनि बन्नेछ।
भारतमा उनको आगमनलाई स्मरणीय बनाउन देशका चार राज्यहरूमा विशेष कार्यक्रमहरूको विस्तृत रूपरेखा सार्वजनिक गरिएको छ। आयोजकहरूले जारी गरेको जानकारी अनुसार, मेस्सीका कार्यक्रमहरू कोलकाताका साथै हैदराबाद, मुम्बई र दिल्लीमा प्रस्तावित छन्।
हिन्दुस्थान समाचार / भवानी थामी
