नयाँ दिल्ली, २ अक्टोबर (हि.स.)। नराम्रोमाथि राम्रोको विजयको प्रतीक विजयादशमी पर्वको अवसरमा देशभर उत्साह र पर्वको माहौल छ। नवरात्रि र दुर्गा पूजाको उत्सव आज दशौं र अन्तिम दिनमा प्रवेश गरेको छ। यस पवित्र दिनमा राष्ट्रपति द्रौपदी मुर्मु र प्रधानमन्त्री नरेन्द्र मोदीले देशवासीलाई शुभकामना दिएका छन्।
राष्ट्रपति द्रौपदी मुर्मुले एक्स पोस्टमा लेखेकी छन् ‘यो पर्व धर्मको अधर्ममाथि विजयको प्रतीक हो र हामीलाई सत्य र न्यायको मार्गमा अघि बढ्न प्रेरणा दिन्छ।’ उनले रावण दहन र दुर्गा पूजा जस्ता उत्सवहरूलाई राष्ट्रिय मूल्यहरूको प्रतीकको रूपमा व्याख्या गरेकी छन्, जसले हामीलाई क्रोध र अहंकार जस्ता नकारात्मक गुणहरू त्यागेर साहस र दृढता अपनाउने सन्देश दिन्छ।
प्रधानमन्त्री नरेन्द्र मोदीले एक्समा लेखेका छन्, “विजयादशमी नराम्रो र असत्यमाथि राम्रो र सत्यको विजयको प्रतीक हो। मेरो कामना छ कि यस पवित्र अवसरमा प्रत्येक व्यक्तिलाई साहस, बुद्धि र भक्ति मार्गमा निरन्तर अगाडि बढ्न प्रेरणा मिलोस्। देशभरिका मेरा परिवारजना सबैलाई विजयादशमीको धेरै-धेरै शुभकामना।”
भाजपाले पनि देशवासीलाई विजयादशमीको शुभकामना दिएको छ। भाजपाका अध्यक्ष जेपी नड्डाले एक्समा लेखेका छन्-
“धर्मो जयति नाधर्मः सत्यं जयति नानृतम्। असत्यमाथि सत्य र अधर्ममाथि धर्मको विजयको महापर्व विजयादशमीको सबै देशवासीलाई हार्दिक शुभकामना। यस पवित्र पर्वमा मर्यादा पुरुषोत्तम भगवान श्रीरामका आदर्शहरू आत्मसात गरेर जीवनलाई सार्थक बनाऔं।”
—————
हिन्दुस्थान समाचार / भवानी थामी
