चेन्नई, 28 दिसम्बर (हि.स.)। तमिल अभिनेता औ देसिया मुरपोक्कु द्रविड़ कड़गम (डीएमडीके)- का संस्थापक विजयकान्तको 71 वर्षको उमेरमा बिहीवार निधन भयो। कोरोना सङ्क्रमण भएपछि उनको शहरको एक निजी अस्पतालमा उपचार भइरहेको थियो र स्थिति अझ गम्भीर भएको कारणले उनलाई भेन्टिलेटरमा राखिएको थियो। यद्यपि डाक्टरहरूले यथासम्भव प्रयास गरे पनि उनलाई बचाउन सकेनन्। उनलाई एकजना अभिनेता, राजनेता औ भाषणको भिन्नै शैलीको कारणले सबैले रूचाएका थिए।
विजयकान्तको स्वास्थ्य पछिल्लो केही समयदेखि नै सही थिएन, त्यसैले उनको अस्पतालमा उपचार भइरहेको थियो। बितेको तीन सप्ताहपूर्व उनलाई अस्पतालमा भर्ती गराइएको थियो। यस अवधि उनको निधन भएको अफवाह पनि फैलिएको थियो। तर पत्नी प्रेमलताले विजयकान्तको भीडियो पोस्ट गरिन् जसमा उनलाई स्वस्थ देखिएको थियो। उनलाई अन्तिम पटक गत 18 दिसमाबरमा सार्वजनिक रूपमा देखिएको थियो जतिले उनले डीएमडीकेको सामान्य परिषदको बैठको अध्यक्षता गरेका थिए। उनको खस्किँदो स्वास्थ्यलाई ध्यानमा राखेर नै पार्टीको कमान उनकी पत्नी प्रेमलतालाई सुम्पिइयो जो पार्टीकी महासचिव थिइन्।
विजयकान्तको जन्म 25 अगस्त, 1952-मा मदुरैमा भएको थियो भने उनका माता-पिताले उनको नाम विजयराज राखेका थिए। सिनेमामा अभिनय गर्न थालेपछि उनले आफ्नो नाम परिवर्तन गरी विजयकान्त राखेका थिए। 14 सेप्टेम्बर, 2005-मा विजयकान्तले आफ्नो राजनीतिक पार्टी देसिया मुरपोक्कु द्रविड़ कड़गम (डीएमडीके) लन्च गरे। वर्ष 2006- को विधानसभा चुनाउमा डीएमडीकेले गठबन्धन नगरी सबै 234 वटा सीटहरूमा चुनाउ लड़े अनि 8.38% भोट सहित केवल एक सीट हासिल गरे। विजयकान्तले मात्र विरूधाचलम निर्वाचन क्षेत्रबाट जित हासिल गरे भने उनको पार्टीका अन्य सबै उम्मेद्वारहरू भने परास्त भए। वर्ष 2011- को विधानसभा चुनाउमा डीएमडीकेले पूर्व मुख्यमन्त्री जे जयललिता नेतृत्वाधिन एआईएडीएमकेसित हात मिलायो अनि 29 सीट जित्यो।
विजयकान्तले वर्ष 2011 देखि 2016 सम्म तमिलनाडु विधानसभामा विपक्षी नेताको रूपमा कार्य गरे। पछि एआईएडीएमकेसित मतभेद भएको कारणले विजयकान्तले पार्टीसित सम्बन्ध विच्छेद गरे। वर्ष 2016- को विधानसभा चुनाउमा विजयकान्तले सीपीआई, सीपीएम, एमडीएमके औ वीसीकेसित मिलेर पीपुल्स वेलफेयर फ्रण्टको नेतृत्व गरेका थिए। तर यो गठबन्धनले कुनै प्रभाव पार्न सकेन। वर्ष 2021- को विधानसभा चुनाउमा पनि डीएमडीकेको प्रदर्शन खराब रह्यो।
हिन्दुस्थान समाचार/उष्णता
