गान्धीनगर, 11 जनवरी (हि.स.)। केन्द्रिय रेल, सञ्चार एवं इलेक्ट्निक्स तथा आईटीमन्त्री अश्विनी वैष्णवले भने, प्रधानमन्त्री नरेन्द्र मोदीको भिजनबाट शुरू भएको भाइब्रेन्ट गुजरात समिट एउटा यस्तो मोडल हो जसकारण गुजरातमा नयाँ टेक्नोलजी र नयाँ उद्योग आएको छ। उनले भने, गुजरातमा वर्ष 2024-मा देशको पहिलो मेक इन इण्डिया चिप उत्पादन हुनेछ।
केन्द्रिय मन्त्री वैश्लवले 10औं भाइब्रेन्ट गुजरात ग्लोबल समिटको दोस्रो दिन बिहीवार गान्धीनजरको महात्मा मन्दिरमा आयोजित सेमीकण्डक्टर एण्ड इलेक्ट्रनिक्स सेमिनारलाई सम्बोधन गर्दै उपरोक्त मन्तव्य व्यक्त गरे। केन्द्रियमन्त्रीले गुजराती भाषामा ‘केम छो’ भन्दै आफ्नो सम्बोधन शुरू गरे। उनले भने, यस समिटमा जसरी एमओयू र एग्रिमेन्ट भएको छ त्यो विकसित भारत बन्ने शुरूआत हो। गुजरातसित प्रधानमन्त्री नरेन्द्र मोदीको भिजनलाई धरातलमा लागू गर्ने सक्षम मशिनरीहरू छन्।
यस अवसरमा मुख्यमन्त्री भूपेन्द्र पटेलले भने, गुजरात सेमीकण्डक्टर पोलिसी जारी गर्ने देशको पहिलो राज्य हो। भारतमा टेक्नोलजीको घेरा तीव्र गतिमा अघि बढ़िरहेको छ। हेल्थ, एग्रीकल्चर वा लजिस्टिक्स, मानव जीवनलाई छुने सबै क्षेत्रहरूमा स्मार्ट टेक्नोलटीको प्रयोग बढ़्दै गइरहेको छ। उनले भने, इन्टरनेट अफ थिङ्ग्स (आईओटी) तथा आर्टिफिशियल इन्टेलिजेन्स (एआई) हाम्रो दैनन्दिन जीवनमा सामेल भइरहेको छ। यी सबै अत्याधुनिक टेक्नोलजीको मूलमा सेमीकण्डक्टर चिप अनि इलेक्ट्रनिक्स ग्याजेट नै छ तथा दुनियाँलाई यस सम्बन्धमा एक विश्वसनीय चिप सप्लाई चेनको आवश्यकता छ।
भारत सेमीकण्डक्टर र इलेक्ट्रनिक्सको लागि विश्वलाई एक सशक्त सप्लाई चेन प्रदान गर्नमा सक्षम छ भने गुजरातले यसमा अग्रणी योगदान दिनसक्छ। यसको लागि गुजरातको रोडम्याप प्रस्तुत गर्दै मुख्यमन्त्रीले भने, गुजरात एआई, इनफर्मेशन टेक्नोलटी (आईटी), बायोटेक, फिनटेक, ड्रोन तथा सेमीकण्डक्टर जस्तो दुनियाँको उदियमान क्षेत्रहरूमा अघि रहन प्रतिबद्ध छ। मुख्यमन्त्रीले भने, प्रधानमन्त्रीको नरेन्द्र मोदीको प्रेरणाले शुरू भएको भाइब्रेन्ट गुजरात ग्लोबल समिटको निरन्तर सफलताले आज गुजरातलाई नेटवर्किङ्ग तथा नलेज शेयरिङ्गको ग्लोबल प्लेटफर्म बनाइदिएको छ। अब सरकारको उद्देश्य भविष्यलाई केन्द्र गर्दै राज्यलाई ‘गेटवे टू द फ्यूचर’ बनाउनु हो।
उनले भने, सेमीकण्डक्टर र इलेक्ट्रनिक्सको यो सेमिनार पनि यसै अनुरूप छ। सेमिनारमा अमेरिकी चिप कम्पनी माइक्रोनका मुख्य कार्यकारी अधिकारी (सीईओ) सञ्जय मेहरोत्राले राज्य सरकार एवं भारत सरकारको अभूतपूर्व सहयोगको लागि आभार व्यक्त गर्दै भने, त्यो दिनटाड़ा छैन जतिबेला भारतमा सशक्त सेमीकण्डक्टर सप्लाई चेनको निर्माण हुनेछ। सेमीकण्डक्टर एण्ड इलेक्ट्रनिक्स सेमिनारमा गुजरात सरकार र कोरियाली कम्पनि सिमटेकमाझ एक सम्झोता ज्ञापन (एमओयू)-मा हस्ताक्षर गरियो। साथै माइक्रोन र नेनटेक तथा सिस्को एवं नेनटेकमाझ पनि सहभागिताको लागि सम्झौतामा हस्ताक्षर गरियो।
हिन्दुस्थान समाचार/उष्णता
