नयाँ दिल्ली, 9 नोभेम्बर (हि.स.)। केन्द्रिय कृषि तथा किसान कल्याणमन्त्री शिवराज सिंह चौहान 10 नोभेम्बरमा ओडिशाको भ्रमणमा जानेछन्। यस अवधिमा, उनले किसानहरूको आय बढाउने, पोषण सुरक्षा सुनिश्चित गर्ने र प्राकृतिक खेतीलाई प्रवर्द्धन गर्ने सम्बन्धी कार्यक्रमहरूमा भाग लिनेछन्।
कृषि तथा किसान कल्याण मन्त्रालयका अनुसार, कृषिमन्त्री बिहान पटनाबाट प्रस्थान गर्नेछन् र बिहान 11 बजी भुवनेश्वर आइपुग्नेछन्, जहाँ उनले लोक सेवा भवनको कन्भेन्सन सेन्टरमा आयोजित ‘मण्डिया दिवस (मिलेट दिवस)’ कार्यक्रमको उद्घाटन सत्रमा प्रमुख अतिथिको रूपमा भाग लिनेछन्। यस अवसरमा, उनले ओडिशा र देशभरि श्री अन्न (मोटो अन्न) को उत्पादन, प्रशोधन र उपभोगलाई प्रवर्द्धन गर्न केन्द्रिय सरकारको पहलहरूको बारेमा छलफल गर्नेछन्।
कार्यक्रमपछि, केन्द्रिय मन्त्रीले कटक जिल्लाको सदर क्षेत्रको भ्रमण गर्नेछन्, जहाँ उनले खेतहरूको निरीक्षण गर्नेछन् र किसानहरूसँग प्रत्यक्ष अन्तरक्रिया गर्नेछन्। यस अवधिमा, उनले केन्द्र सरकारका विभिन्न कृषि योजनाहरूको अवस्थाको मूल्याङ्कन गर्नेछन् र उनीहरूको अनुभव र सुझाउहरू पनि सङ्कलन गर्नेछन्।
यसपछि, दिउॅंसो कटकको विद्याधरपुरमा रहेको केन्द्रिय धान अनुसन्धान संस्थान (सीआरआरआई) मा एक रणनीतिक बैठकको अध्यक्षता गर्नेछन्। बैठकमा प्रधानमन्त्री धन धान्य कृषि योजना, दाल आत्मनिर्भरता अभियान, र प्राकृतिक खेती सम्बन्धी राष्ट्रिय अभियानको प्रभावकारी कार्यान्वयनको बारेमा विस्तृत छलफल हुनेछ। कृषि मन्त्रालयका वरिष्ठ अधिकारीहरू, आईसीएआर वैज्ञानिकहरू र ओडिशा सरकारका प्रतिनिधिहरू पनि सहभागी हुनेछन्।
बैठकको क्रममा, उनले माटोको स्वास्थ्य, बाली विविधीकरण, पानी दक्षता र दिगो कृषि अभ्यासहरूसँग सम्बन्धित क्षेत्रीय चुनौतीहरूबारे जानकारी लिनेछन्। उनले आधुनिक कृषि प्रविधि, उन्नत बीउ, कृषि मेसिनरी र मूल्य अभिवृद्धिलाई प्रवर्द्धन गर्ने सरकारी योजनाहरूको प्रचार पनि गर्नेछन्।
वर्ष 2023 लाई अन्तरराष्ट्रिय मोटो बन्न वर्षको रूपमा घोषणा गरेपछि, राज्यको कोरापुट, रायगढा र कन्धमाल जिल्लाहरूमा समुदाय-आधारित पहलहरूले महत्त्वपूर्ण परिणामहरू दिइरहेका छन्। साँझ सबै कार्यक्रमहरू समापन पछि, चौहान भुवनेश्वरबाट विजयवाडाको लागि प्रस्थान गर्नेछन्, जहाँ उनी भोलिपल्ट धेरै कार्यक्रमहरूमा भाग लिनेछन्।
हिन्दुस्थान समाचार / भवानी थामी
