नयाँ दिल्ली, 18 नोभेम्बर (हि.स.)। राष्ट्रपति द्रौपदी मुर्मूले शनिवार भनिन्, तकनिक अनि सोशल मीडियाको युगमा ‘आर्टिफिशियल इन्टेलिजेन्स’ (एआई) औ ‘डीप फेक’ जस्ता समस्याहरू अघि आइरहेका छन्। यस अवस्थमा पुलिस अधिकारीहरू तकनिकको क्षेत्रमा सदैव अपडेट रहनुपर्छ तथा अपराधीहरूमाथि सदैव जित हासिल गर्नुपर्छ।
75 आरआर (2022 ब्याच)- को भारतीय पुलिस सेवा (आईपीएस)- का प्रोबेशनर्सको एक समूहले आज राष्ट्रपति भवनमा राष्ट्रपति द्रौपदी मुर्मूसित भेट गऱ्यो। प्रोबेशनर्सलाई सम्बोधन गर्दै राष्ट्रपतिले भनिन्, पुलिस प्रशासन तथा कानून व्यवस्थाको निम्ति राज्य सरकारहरू मुख्य रूपमा जिम्मेवार हुन्छन्। तर आईपीएस अधिकारीहरूले राज्य सरकारहरूद्वारा नियुक्त गरिएका पुलिस अधिकारी अनि कर्मचारीहरूलाई नेतृत्व प्रदान गर्दछन्। यसरी नै देशको पुलिस व्यवस्थालाई अखिल भारतीय सूत्रमा बाँध्ने कार्य भारतीय पुलिस सेवाका अधिकारीहरूले गर्दछन्।
राष्ट्रपतिले भनिन्, राज्य तथा राष्ट्रिय स्तरमा पुलिस बलहरूले देशमा कानून व्यवस्था कायम राख्न अनि एकता र अखण्डतालाई अक्षुण्ण राख्नमा अमूल्य योददान दिएका छन्। पुलिस बलहरू समक्ष साइबर अपराध, ड्रग कार्टेल, वामपन्थी उग्रवाद एवं आतङ्कवाद सहित धेरैवटा चुनौतीहरू छन्। नयाँ-नयाँ तकनिक र सोशल मीडियाको प्रभावबाट परिस्थितिहरू तीव्र गतिमा परिवर्तन हुँदै गइरहेका छन्। अपराधीहरूद्वारा जेनरेटिभ आर्टिफिशियल इन्टेलिजेन्सको प्रयोग गरिन्छ अनि डीप-फेक जस्ता समस्याहरू उत्पन्न हुन्छन्। यसैले पुलिस अधिकारीहरू तकनिकको क्षेत्रमा सदैव अपडेट बस्नुपर्छ।
राष्ट्रपतिले भनिन्, आर्थिक एवं सामाजिक विकासको लागि कानून-व्यवस्था सशक्त हुनु एउटा अनिवार्य शर्त हो। विश्व स्तरमा होस् वा राष्ट्रिय स्तरमा वा त स्थानीय स्तरमा हेऱ्यौं भने उद्यमीहरू त्यहाँ निवेश गर्न चाहँदैनन् जहाँ कानून व्यवस्था सुदृढ़ हुँदैन। यसैले पुलिस विभागले पनि क्षेत्रको बहुआयामी विकासमा केन्द्रिय भूमिका निर्वाह गर्दछ।
राष्ट्रपतिले भनिन्, सरकारको लक्ष्य प्रत्येक नागरिकलाई प्रतिभा अनि क्षमता विकास गर्ने अवसर प्रदान गर्नु हो। यो हाम्रो राष्ट्रिय प्राथमिकता हो कि सबै नागरिक विकास यात्रामा सहभागी बनुन्। उनले भनिन्, अमृतकालमा देशलाई समग्रह रूपमा विकसित राष्ट्र बनाउने सङ्कल्पलाई पूरा गर्नमा पुलिस अधिकारीहरूको निर्णायक भूमिका रहन्छ।
उनले भनिन्, वर्ष 2022 -को यस ब्याचमा 21 प्रतिशत महिलाहरू छन्। आईपीएसमा 554 महिला अधिकारी कार्यरत् छन् जुन तैनाथ अधिकारीहरूको कुल संख्या 4344 को लगभग 13 प्रतिशत छ। राष्ट्रपतिले विश्वास व्यक्त गर्दै भनिन्, महिला आईपीएसको संख्यामा वृद्धि भइरहनेछ।
हिन्दुस्थान समाचार/उष्णता
