મોડાસા,14 ફેબ્રુઆરી
સાબરકાંઠા જીલ્લા આરોગ્ય વિભાગના ઉપક્રમે જી.એમ.ઈ.આર.એસ., હિંમતનગર ખાતે સાબરકાંઠા જીલ્લામાં પીસી એન્ડ પીએનડીટી એકટના વિસ્તૃત જાણકારી તથા અમલવારી અર્થે ગવર્મેન્ટ તથા પ્રાઈવેટ પીસી એન્ડ પીએનડીટી એકટ હેઠળ રજીસ્ટ્રેશન ધરાવતા ડોકટરોનો વર્કશોપ યોજવામાં આવ્યો હતો. જેમાં પીસી એન્ડ પીએનડીટી એકટ અંગેની વિસ્તૃત જાણકારી એપ્રો.ઓથો.અને મુખ્ય જીલ્લા આરોગ્ય અધિકારી ડો.રાજ સુતરીયા ધ્વારા આપવામાં આવી હતી. પીસી એન્ડ પીએનડીટી એકટ અંતર્ગત વર્કશોપમાં IMA સાબરકાંઠા પ્રમુખ ડો.શૈલેષ પટેલ, FOGSI સાબરકાંઠા પ્રમુખ ડો. સરફરાઝ કાઝી સહિત જીલ્લાના પીસી એન્ડ પીએનડીટી એકટ હેઠળ નોંધાયેલ ૧૩૪ ડોકટરો ઉપસ્થિત રહયા હતા. તેઓને પીસી એન્ડ પીએનડીટી એકટનુ અમલીકરણ કરતા તેમજ મહત્વની સુચનાઓ આપવામાં આવી હતી. તથા પીસી એન્ડ પીએનડીટી એકટ હેઠળ સગર્ભાઓના ફોર્મ-એફ(સંમતી) ફરજીયાત ભરવા જણાવવામાં આવ્યુ. તથા ફોર્મ-એફમાં કોઈપણ પ્રકારની ક્ષતિ કે ભુલો સર્ચ અને સીઝરની કાર્યવાહી દરમ્યાન જોવા મળે તો તે કલીયરીકલ ભુલ ન ગણી કાયદેસર કાર્યવાહી થઈ શકે. આ બાબત ખુબજ ગંભીરતાથી લેવા માટે જણાવવામાં આવ્યુ અને આ બાબતની જાણકારી આપવામાં આવી. બેટી વધાવો-બેટી પઢાવો અંતર્ગત જીલ્લાનો સેકસ રેસીયો ઉચો લાવવા માટે એકટનુ પાલન કરવા કડક સુચના આપવામાં આવી. આ વર્કશોપમાં ઉપસ્થિત તબીબોને કાયદાના પાલન સબંધિત પ્રશ્નો અંગે એપ્રો.ઓથો. અને મુખ્ય જીલ્લા આરોગ્ય અધિકારી માર્ગદર્શન પુરૂ પાડયુ હતુ. બેટી બચાવો – બેટી પઢાવો અંતર્ગત હૃદય સ્પર્શી નાટકની રજૂઆત કરવામાં આવી. જેને ઉપસ્થિત તમામ ડોક્ટરઓ તેમજ અધિકારીઓએ આવકારેલ.
