નવી દિલ્હી, 21 ફેબ્રુઆરી: ગયા વર્ષે એટલે કે 2023માં શાહરૂખ ખાને એક પછી એક ત્રણ બ્લોકબસ્ટર ફિલ્મો આપીને ફરી એકવાર સાબિત કર્યું કે, તે બોક્સ ઓફિસનો અસલી રાજા છે. ‘પઠાણ’, ‘જવાન’ અને ‘ડિંકી’ શાહરૂખની કારકિર્દીની, સૌથી વધુ કમાણી કરનારી ફિલ્મો બની. તેમાંથી એટલી દ્વારા નિર્દેશિત ફિલ્મ ‘જવાન’એ, બોક્સ ઓફિસ પર રેકોર્ડ તોડ્યા હતા. આ ફિલ્મે લગભગ 1100 કરોડ રૂપિયાનો બિઝનેસ કર્યો હતો. શાહરૂખને તાજેતરમાં આ ફિલ્મ માટે શ્રેષ્ઠ અભિનેતાનો દાદાસાહેબ ફાળકે એવોર્ડ એનાયત કરવામાં આવ્યો હતો.
આ એવોર્ડ સ્વીકારતી વખતે શાહરૂખે ખૂબ જ જોરદાર સ્પીચ આપીને, દર્શકોના દિલ જીતી લીધા હતા. આ જ એવોર્ડ સમારોહમાં નયનતારાને, દાદાસાહેબ ફાળકે એવોર્ડથી પણ સન્માનિત કરવામાં આવી હતી. શાહરૂખ ‘જવાન’માં ડબલ રોલમાં જોવા મળ્યો હતો. ખાસ કરીને ઘરડા શાહરૂખના રોલની, ખૂબ ચર્ચા થઈ હતી. સાઉથની આ બ્લોકબસ્ટર ફિલ્મે, બોક્સ ઓફિસ પર અનોખો ઈતિહાસ રચ્યો હતો.
એવોર્ડ સ્વીકારતા શાહરૂખે કહ્યું કે,’ ઘણા વર્ષો પછી મને બેસ્ટ એક્ટરનો એવોર્ડ મળ્યો છે. દરમિયાન મને લાગ્યું કે, હવે મને આ એવોર્ડ ક્યારેય નહીં મળે. પરંતુ હું આ એવોર્ડ મેળવીને ખુશ છું, મને એવોર્ડ ગમે છે.’
શાહરૂખે કહ્યું કે,’ હું આ મામલે થોડો સ્વાર્થી અને લોભી છું. મારા કામને પસંદ કરવા અને મારી મહેનતની કદર કરવા બદલ, હું હંમેશા લોકોનો આભારી રહીશ.’
શાહરૂખે આગળ કહ્યું, એક વાતનો ઉલ્લેખ કરવો જરૂરી છે કે, માત્ર એક અભિનેતાનું કામ પૂરતું નથી. આર્ટવર્ક વધુ સારું બને છે, જ્યારે તેની આસપાસનું વર્તુળ પણ ભાગ લે છે. મને પણ આ એવોર્ડ, ઘણા લોકોની મહેનત અને મદદને કારણે મળ્યો છે.’
તેણે કહ્યું કે હું,’ દર્શકોને વચન આપું છું કે હું સતત મહેનત કરતો રહીશ. હું આ રીતે ભારતીય અને બિન-ભારતીય દર્શકોનું મનોરંજન કરવાનું ચાલુ રાખીશ. આ માટે, મારાથી જે કંઈ થઈ શકે તે કરીશ.’
